明記海鮮潮州菜館 (天保大廈)

營業中

休息中

荃灣明記海鮮潮州菜館非常岀名，呢度無論海鮮定係打冷潮州菜都一應俱全，行上樓梯，入邊嘅空間好大👍🏻而且上菜速度好快，落完單食一陣花生就已經上菜🙌🏻滷水雜拼，呢度嘅滷水非常高質出名，而且好豐富，有齊鵝腸、滷水腎、紅腸、豬大腸、墨魚。滷水味道濃郁，但唔會太鹹，突岀到各種嘅食材味道🥰韭菜豬紅，非常入味，而且有微微香辣，真係好惹味😋口感亦好軟滑，配白飯簡直一流😋石鍋啫啫通菜，一上枱就見到熱辣辣，出晒煙，通菜嘅份量多到幾乎滿瀉😝通菜爽脆多汁😚潮式蠔仔餅，去潮州菜館就梗係要食蠔仔餅🤣蠔餅大大塊，煎到金黃色🤩外脆內軟，口感煙韌，蠔仔份量夠晒多，鮮味厚實😍