味千拉麵

營業中

休息中

以前中學間唔中都會去幫襯，今日同小朋友路過信德中心分店，就帶佢哋去回味一下！二款小食海陸拼盤 魷魚和雞翼～口感一流，魷魚彈牙，雞翼醃得夠味、咬落有汁，配合沙律醬，味道香濃🥰🌟金菇牛肉卷～傳統嘅日式小食，肥牛嫩滑，金菇吸晒啲燒汁，夠入味👍❤️味千沾汁麵～以為得招牌拉麵，原來最近新出左 日本興起嘅沾麵！沾麵即係湯、麵分開，粗條嘅拉麵，沾上湯一齊食，如果食到中途，湯唔夠熱，餐廳會有幫忙換熱湯嘅服務添。粗嘅拉麵真係好有口感，配料有竹筍、京葱、叉燒、流心蛋，仲有辣/唔辣嘅湯底可以選擇👍個人覺得如果叉燒再肥多少少就好了❤️粟米肥牛鐵板飯配秘製燒汁～今日食好多新產品😄，賣相有點似某牌子嘅招牌lunch，識落原來唔完全唔同，非常多嘅粟米配上肥牛，夠嫩滑，而佢嘅秘製燒汁有蒜蓉，所以特別香口👍食日本嘢，梗係要叫返兩杯日本風嘅飲品✨白桃乳酸梳打✨巨峰乳酸梳打，兩者飲落都非常清爽解膩，我就更偏愛特別香濃嘅白桃，下次一定要再飲😁