大圍小食

營業中

休息中

好掛住地道港式小食🤤去咗大圍站對面嘅老字號小食店「大圍小食 」掃下街先～依到勁多嘢食，價錢又抵💗 開業咗20幾年，好多街坊都係長期捧場客～🔶煎釀三寶嘩CP值好高！款式好多，唔止三寶咁簡單～仲有出邊少見嘅西蘭花丶青辣椒.…每件都好巨型😝正！$4/件真係超抵😝入口魚肉夠彈牙，而且唔會過油膩～其中我最鍾意青辣椒同紅腸。🔶串燒八爪魚 炸大腸 豬頸肉 魷魚 牛柏葉 嘩一次過吃咗好多串燒～咁我最鍾意豬頸肉同埋魷魚🥳仲加咗孜然調味，全部即叫即燒，香噴噴！炸大腸加埋芥末醬丶甜醬，香脆可口。🔶燒賣呢度燒賣好出名，仲攞過獎㗎！啱啱見到一大籠新鮮蒸起，即刻叫返一客～熱辣辣！加啲豉油辣油，好有港式風味。🔶臭豆腐 依家唔係好多地方有得買臭豆腐，有時真係口痕好想食，依間有古法臭豆腐，外皮酥脆，咬落去入面豆腐好軟熟，又香口🥳🔶長洲大魚旦一客有三大粒，超大魚蛋入口好彈牙，配埋秘製辣汁，冇得頂呀。🔶魚肉碗仔翅好足料！冬菇絲同魚肉都好多～熱辣辣冬天啱晒，食完暖身又飽肚。