影片
更多
2022-07-02
454 瀏覽
呢間嘢喺太空館對面，由細細個已經喺到，都算係老字號老店屹立不倒，京川滬嘅菜式都有，款式好多，啱曬同屋企人/朋友黎，可以叫多幾道菜！------------------------------🦆◖北京烤鴨（半）◗ $228食京菜必食片皮鴨！呢到嘅片皮鴨即叫即烤，要等45分鐘，所以一坐低就可以落定先！片皮鴨肉比較多，食落唔會油膩，上枱熱辣辣，襯熱食好脆皮，用佢嘅餅皮包住蔥、青瓜同甜鴨醬食，煙煙韌韌咁帶有少少甜味！🐟◖糖醋松子桂花魚◗ $208個擺盤真係不得了，桂花魚𠝹得好靚！原條魚去骨拎去脆炸，加埋松子仁提升香味同口感，最後淋埋啲糖醋上去，配埋配料同彩椒。成條魚酸酸甜甜咁，糖醋生炒骨嘅味道，咬落酥脆香口，好開胃，配飯碗白飯食好正！🦀◖京式賽螃蟹◗ $108好大份，有海量嘅蛋白同蟹肉，滿滿嘅蛋白質，好滑好鮮甜！蛋白煮得唔會過熟，好嫩滑，食之前篤爛隻蛋黃，啲蛋漿流曬出黎，再加啲醋，酸酸地令到鮮味好出！🥟◖霸王小籠包◗ $49一籠有四粒，皮都算薄，小籠包熱辣辣湯汁豐富，肉餡肥瘦適中！🥬◖蒜子上湯浸翡翠苗◗ $95好有驚喜，個上湯好清甜帶有淡淡嘅蒜味，翡翠苗都好爽口清甜！🐠◖宋嫂鮮魚羹◗ $49叫
------------------------------
🦆◖北京烤鴨（半）◗ $228食京菜必食片皮鴨！呢到嘅片皮鴨即叫即烤，要等45分鐘，所以一坐低就可以落定先！片皮鴨肉比較多，食落唔會油膩，上枱熱辣辣，襯熱食好脆皮，用佢嘅餅皮包住蔥、青瓜同甜鴨醬食，煙煙韌韌咁帶有少少甜味！
🐟◖糖醋松子桂花魚◗ $208
個擺盤真係不得了，桂花魚𠝹得好靚！原條魚去骨拎去脆炸，加埋松子仁提升香味同口感，最後淋埋啲糖醋上去，配埋配料同彩椒。成條魚酸酸甜甜咁，糖醋生炒骨嘅味道，咬落酥脆香口，好開胃，配飯碗白飯食好正！
🦀◖京式賽螃蟹◗ $108
好大份，有海量嘅蛋白同蟹肉，滿滿嘅蛋白質，好滑好鮮甜！蛋白煮得唔會過熟，好嫩滑，食之前篤爛隻蛋黃，啲蛋漿流曬出黎，再加啲醋，酸酸地令到鮮味好出！
🥟◖霸王小籠包◗ $49
一籠有四粒，皮都算薄，小籠包熱辣辣湯汁豐富，肉餡肥瘦適中！
🥬◖蒜子上湯浸翡翠苗◗ $95
好有驚喜，個上湯好清甜帶有淡淡嘅蒜味，翡翠苗都好爽口清甜！
🐠◖宋嫂鮮魚羹◗ $49
叫咗個細嘅試下味，魚肉香滑，落咗好多薑絲，唔腥味道鮮甜偏辣。
🐔◖砂鍋雲吞雞◗ $59
個雞湯淡淡地好清甜，飲唔到味精味。成碗湯都幾足料，有一粒大雲吞、雞件同小棠菜喺入面，雞肉因為煲過湯，肉質唔算嫩滑。
🍵◖茶位◗ $14/人
Encore指數：8/10
------------------------------
去之前見到都有負評都驚驚地，但最後試過食物質素都幾好，店員都幾有禮貌，overall都ok！佢嘅菜式真係好多，好多都好有特色又好吸引！本身想食佢個水晶鎮江肴肉，但咁啱個日冇貨，可以留返下次試！
張貼
