影片
更多
2019-01-29
1440 瀏覽
早二天爸爸早左放工, 於是就叫媽不要弄飯, 他請我們出街吃!!! (但我負責揾餐廳XD) 一向深知爸爸極喜愛上海菜, 而地點選在尖沙咀 所以在OP 搜查一下, 找到很有歷史的- 香港老飯店~ 香港老飯店是上樓鋪, 地方又大又闊落, 而且服務員都是比較年長, 給人感覺很有歷史~ 由於是傳統上海餐廳的闗係, 食物選擇真的很多, 價位方面中等, 不算太貴又或太便宜, 個人覺得可以接受~ 我們一共點了幾菜式試試~ 菜肉雲吞 - 一客八隻, 雲吞粒粒大大粒, 皮薄料靚, 入面釀左滿滿既豬肉同菜, 又鮮香又味美, 再加上上湯都好好味, 唔會太咸, 我地一行四人, 一人二隻分着剛好~ 松鼠黃魚- 賣相別緻, 黃魚起肉再炸, 外表看來一粒粒, 好似茄汁豆咁~ 黃魚肉質鮮美, 因為炸過闗係, 有少少脆口,但魚肉都好嫩滑, 而且一啲腥味都冇 再加上醬汁酸酸甜甜, 就連我唔太中意魚既人都覺得好味~ 咸肉豆腐湯 - 鮮味十足~ 材料方面有咸肉(豬肉)、金華火腿、豆腐、菜等等, 清清地幾好味, 又唔會過咸, 好味道! 上海粗炒 - 調味唔錯, 唔會太重味, 而且麵條條條入味, 再加上配菜如椰菜
早二天爸爸早左放工, 於是就叫媽不要弄飯, 他請我們出街吃!!! (但我負責揾餐廳XD)
一向深知爸爸極喜愛上海菜, 而地點選在尖沙咀
所以在OP 搜查一下, 找到很有歷史的- 香港老飯店~
香港老飯店是上樓鋪, 地方又大又闊落, 而且服務員都是比較年長, 給人感覺很有歷史~
由於是傳統上海餐廳的闗係, 食物選擇真的很多, 價位方面中等, 不算太貴又或太便宜,
個人覺得可以接受~
我們一共點了幾菜式試試~
菜肉雲吞 - 一客八隻, 雲吞粒粒大大粒, 皮薄料靚, 入面釀左滿滿既豬肉同菜,
又鮮香又味美, 再加上上湯都好好味, 唔會太咸, 我地一行四人, 一人二隻分着剛好~
松鼠黃魚- 賣相別緻, 黃魚起肉再炸, 外表看來一粒粒, 好似茄汁豆咁~
黃魚肉質鮮美, 因為炸過闗係, 有少少脆口,但魚肉都好嫩滑, 而且一啲腥味都冇
再加上醬汁酸酸甜甜,
就連我唔太中意魚既人都覺得好味~
咸肉豆腐湯 - 鮮味十足~ 材料方面有咸肉(豬肉)、金華火腿、豆腐、菜等等, 清清地幾好味, 又唔會過咸, 好味道!
上海粗炒 - 調味唔錯, 唔會太重味, 而且麵條條條入味, 再加上配菜如椰菜和菇菇都相當出色,
個人覺得係水準之上呢~
酒釀丸子 - 呢個有少少奇怪, 桂花同丸子都好多, 一撈下起全都係酒釀, 有少少搶左主角風頭,
丸子冇乜味道, 但尚算煙韌不俗~
香港老飯店
尖沙咀寶勒巷26號華寶大廈1樓
27221812
張貼
