老媽拌麵 (THE FOREST) (已結業)

第二次食老媽拌麵, 上次晚飯食小菜為主, 今次收工去食下午茶套餐~ 老媽拌麵一向價錢親民;環境闊落又靜靜地播住流行歌, 食個台灣風味既下午茶都係六十幾蚊起. 香菇肉燥拌麵+百頁豆腐小食🍜要先將麵上既肉燥同底下既汁撈勻, 因為係拌麵既關係, 肉燥係調得比較濃味先會令個麵更加入味同掛汁. 肉燥口感帶有少少沙沙既感覺, 似係混合左沙茶醬; 而且肉燥肉質好軟身. 🥢百頁豆腐滷得好入味, 黑澤係好令既啡色, 入口即溶~ 🍜蕃茄牛肋條溏心蛋拌麵+炸花枝丸小食將麵下既濃厚蕃茄汁撈勻,酸酸地味道好開胃; 牛肋條炆到一夾就開, 我最鍾意食咁冧身而重牛味既肉. 老媽拌麵既麵無論係幼麵同刀削麵, 麵質都同樣煮得好滑身同軟身. 🥢炸花枝丸色澤係金黃色, 一咬落去係好彈牙既口感, 花枝肉亦好有咬口; 點酸醬食好好味.🥤飲品：鳳梨苿莉果茶鳳梨果汁配淡苿莉茶混合後酸酸地好醒胃，果茶都好飲。食台灣菜一定要食麵，下次你地都去試下啦！🥰