老北京 (渣甸中心)

營業中

休息中

朋友約想食中菜，想食片皮鴨！近近地喺銅鑼灣揀咗間北方口味嘅餐廳老北京。一打開個Menu就見到片皮鴨好吸引～叫咗半隻片皮鴨，仲有得揀二食：生菜包鴨鬆/冬瓜/津白鴨骨湯，只需要加$100幾抵。片皮鴨似走過油外皮好脆脹卜卜，充滿鴨皮嘅油香，佢包嗰塊皮做到好薄半透明咁冇粉感。另外仲叫咗白菜豬肉水餃10隻，羊肉湯麵，尖椒土豆絲。羊肉湯麵我應該下次會你買外賣返屋企食。個湯底好濃郁，鍾意啲麵嘅粗幼度好實在，吸晒啲汁好正。飲品方面，叫咗二鍋頭$60我哋以為一杯原來有一支仔仲有兩個杯仔俾你慢dep原來有成五60度。但入口好香醇一滴已經成個口都係香味。本來我都唔夠膽試。有興趣同朋友可以試吓，成個感覺用餐體驗係提升咗。最最最後，食返個甜品叫咗個拔絲鴛鴦，有蘋果同埋香蕉，啱啱炸好，熱辣辣甜甜脆脆。要趁熱食～