Turning Point By Coffee Art

營業中

休息中

之前係美麗華行街嘅時候就已經留意到依間餐廳，有啲圓圓嘅藤椅同打卡嘅裝飾。今次行完街就決定黎試下，分別叫左個set同另外加左個意粉同甜品。煙三文魚牛油果他他多士煙三文魚份量唔少，牛油果蓉好香滑，多士都好香脆。香煎春雞配 香辣蒜香扁意粉春雞外皮煎到金黃色，充滿油香，而且春雞幾大件。意粉好香蒜味，蘑菇都炒得好香。另外配有個淋上柚子沙律汁嘅沙律菜，令到個意粉油膩感大減，感覺更開胃。溫泉蛋沙嗲牛肉 扁意粉中式嘅沙嗲牛肉配上西式意粉，感覺幾特別，所以就叫左黎試試。牛肉份量都唔少，而且幾嫩滑，沙嗲味有但唔算過於濃味，加埋溫泉蛋，反而蛋味更濃，整體味道都幾配合。開心果麻糬窩夫配雲呢拿雪糕窩夫有四件，有麻糬加左上係面，煙煙韌韌。另外開心果醬味道幾香濃，見到啲開心果碎，仲有球雲呢拿雪糕同生果，望落都幾靚。