影片
更多
2022-10-19
102 瀏覽
天氣突然轉凍，同友人去完東涌郊遊，唔想食東薈城嘅連鎖店，就搵下附近既大排檔開餐。呢間有齊雞煲烤魚打邊爐小菜燒味，樣樣都想食就啱晒！重慶香辣雞煲（半隻）食開麻辣雞煲，原來四川麻辣同重慶香辣係有啲唔同，唔會麻到條脷無晒知覺！即場有爐熱住兜炒一下，熱辣辣上枱好惹味。雞煲汁唔會太鹹又夠辣度，雞件十分多，食極都有，仲有伴菜嘅青椒、雜菌索晒汁，送白飯一流。🍚出爐叉燒（例牌）見到櫥窗嘅燒味幾靚仔，於是嗌左碟叉燒例牌試試，半肥瘦少少燶邊，係最理想嘅叉燒。荷芹炒臘味突然轉凍嘅天氣令人好想食臘味暖下胃，呢碟荷芹炒臘味就黎得合時，臘味嘅油份剛剛好令荷蘭豆保持爽嫩。食完辣辣嘅雞煲，有啲清甜蔬菜平衡番味覺，不知不覺就清左成碗白飯。今次唔記得左試招牌嘅奶油蝦，約定友人下次郊遊再黎食過！
天氣突然轉凍，同友人去完東涌郊遊，唔想食東薈城嘅連鎖店，就搵下附近既大排檔開餐。呢間有齊雞煲烤魚打邊爐小菜燒味，樣樣都想食就啱晒！
重慶香辣雞煲（半隻）
食開麻辣雞煲，原來四川麻辣同重慶香辣係有啲唔同，唔會麻到條脷無晒知覺！即場有爐熱住兜炒一下，熱辣辣上枱好惹味。雞煲汁唔會太鹹又夠辣度，雞件十分多，食極都有，仲有伴菜嘅青椒、雜菌索晒汁，送白飯一流。🍚
出爐叉燒（例牌）
見到櫥窗嘅燒味幾靚仔，於是嗌左碟叉燒例牌試試，半肥瘦少少燶邊，係最理想嘅叉燒。
荷芹炒臘味
突然轉凍嘅天氣令人好想食臘味暖下胃，呢碟荷芹炒臘味就黎得合時，臘味嘅油份剛剛好令荷蘭豆保持爽嫩。食完辣辣嘅雞煲，有啲清甜蔬菜平衡番味覺，不知不覺就清左成碗白飯。今次唔記得左試招牌嘅奶油蝦，約定友人下次郊遊再黎食過！
張貼
