影片
更多
2023-06-08
13 瀏覽
同朋友去奧海城 Shopping，買完嘢，過咗嚟大食代搵食。喺場內行了一圈，見到有間叫「泰‧雅」嘅泰國美食。走近一看，下午茶餐好經濟，最平 $40 已有交易，一於試下。點咗兩個下午茶套餐，另外再加咗碟泰式燒豬頸肉。每個 Tea Set 都會奉送例湯，+$13 /+$20 更可升級配一款泰式輕食。泰式蒜香雞扒飯 ($40) 雞扒都幾大塊，上碟時已經切開一件件，雞皮煎得很香脆，雞肉亦醃得好入味，入口肉嫩 Juicy，帶濃郁炸蒜香。加咗隻香煎太陽蛋 (+$3)，邊位微脆，蛋黃金黃嬌嫩，蛋汁香甜味美，用嚟送飯一流！跟餐嘅冬瓜湯味道亦不俗，加入了胡椒吊味，清熱解暑，好喝。泰式豬頸肉炒河粉 ($58) 河粉可以自選辣度，揀咗微辣，豬頸外脆內嫩，河粉炒得好有鑊氣，加埋啲芽菜、珍珠筍、紅蘿蔔絲同芥蘭一齊食，口感好豐富。泰式春卷 (+$13)、薯蓉咖喱角 (+$13)，春卷炸得好鬆脆，入面釀滿了蝦膠同蘿蔔絲；咖喱角新鮮炸起，入口熱辣辣，外脆內軟，咖喱味道好香濃。泰式燒豬頸肉 ($68) 豬頸肉燒得啱啱好，肉質腍中富彈性，惹味得嚟又唔會太肥膩，點埋個泰式辣醬食，好正！
同朋友去奧海城 Shopping，買完嘢，過咗嚟大食代搵食。喺場內行了一圈，見到有間叫「泰‧雅」嘅泰國美食。
走近一看，下午茶餐好經濟，最平 $40 已有交易，一於試下。
點咗兩個下午茶套餐，另外再加咗碟泰式燒豬頸肉。每個 Tea Set 都會奉送例湯，+$13 /+$20 更可升級配一款泰式輕食。
泰式蒜香雞扒飯 ($40) 雞扒都幾大塊，上碟時已經切開一件件，雞皮煎得很香脆，雞肉亦醃得好入味，入口肉嫩 Juicy，帶濃郁炸蒜香。
加咗隻香煎太陽蛋 (+$3)，邊位微脆，蛋黃金黃嬌嫩，蛋汁香甜味美，用嚟送飯一流！跟餐嘅冬瓜湯味道亦不俗，加入了胡椒吊味，清熱解暑，好喝。
泰式豬頸肉炒河粉 ($58) 河粉可以自選辣度，揀咗微辣，豬頸外脆內嫩，河粉炒得好有鑊氣，加埋啲芽菜、珍珠筍、紅蘿蔔絲同芥蘭一齊食，口感好豐富。
泰式春卷 (+$13)、薯蓉咖喱角 (+$13)，春卷炸得好鬆脆，入面釀滿了蝦膠同蘿蔔絲；咖喱角新鮮炸起，入口熱辣辣，外脆內軟，咖喱味道好香濃。
泰式燒豬頸肉 ($68) 豬頸肉燒得啱啱好，肉質腍中富彈性，惹味得嚟又唔會太肥膩，點埋個泰式辣醬食，好正！
張貼
