澐

營業中

休息中

三五知己首次幫襯，環境一流，座位寬鬆，招呼好好。遠眺山與海，加上某小島的頂部被雲輕輕，貌似富士山美境，感恩。因家住青衣區，搭機鐵即日來回只需47蚊，交通便捷，去程6條友差不多包車架！輕鬆舒適。《澐》，價錢當然不是普通大排檔酒樓級數啦！預算貴20%左右吧！但如果登記做會員，就有8折優惠。因第一次光顧，未知玩法和是否再翻嗒，故只用指定信用咭找數便算，都有85拆。整體食物味道和賣相都好好，知己們總評最欣賞是黑毛豬叉燒，暫時坊間吃過的最優秀。其次是慢煮牛肋肉，軟硬度炆得剛剛好，適合上左年紀的我哋，兩味都有驚喜。焗蟹蓋啖啖蟹肉，真材實料，但個人意見稍嫌昂貴，若價錢相若，吃皇帝蟹腳更開心。咕嚕肉墊在冰碟上菜，賣相精緻。杏汁豬肺湯、芝麻雞、啤梨型的墨魚滑和炒芥蘭等就一般啦！甜品選擇了用乾冰玩仙境的楊枝甘露和桂香水中花（豆腐）賣相當然吸引，打咭位，味道正常啦！人均消費450蚊，如果加多一碟粉麵飯應該更完美。整體評價中上，有機會幫襯的，下次記得要先入會，享8拆和指定坐窗邊位，早點入座睇日落。