Street Bomber

營業中

休息中

早排小編同朋友去野餐，由於時間關係，小編冇時間去準備食嗎，所以就去咗屋企樓下買咗啲小食去，超方便！小編今次叫嘅多數都係小食，但係超高質😜，叫咗鹹蛋黃魷魚鬚，紫菜山炸豬肉同魚肉燒賣，避風塘炸蠔，自家製韭菜蝦餅，慢煮雞胸配蕎麥麵+糖心蛋，茄子蝦餅，炸三文魚鰭，最後食咗咁多熱氣野，當然叫杯菊花茶😜鹹蛋黃魷魚鬚：每條魷魚鬚充滿鹹蛋黃醬，好邪惡！小編仲要食唔停口😌紫菜山炸豬肉同魚肉燒賣，平時食開嗰啲燒賣都係配辣椒油加豉油，但小店咁嘅煮法，好創新同好好味😋避風塘炸蠔，小店採用韓國蠔，用避風塘呢個方法去煮，好特別，再沾上沙律醬😋自家製韭菜蝦餅，有濃濃嘅韭菜味，韭菜控嘅朋友一定要叫下😙慢煮雞胸配蕎麥麵+糖心蛋，雞胸超嫩滑，真心推介！ 而且份量都好多，再配上超留心嘅糖心蛋，天氣咁熱都好適合食過蕎麥麵😛茄子蝦餅，小店好特別，用兩個茄子夾住個蝦餅，然後攞去咋，最後仲可以配泰式辣醬😋食咗咁多熱氣野，梗係要叫返杯菊花茶啦，清熱解暑，夏天必要飲品😙另外小店都好有心機，擺放食物，我哋去到野餐地點，炸物都係脆身嫁😋