The Oyster House (已搬遷) 新店位置

會展有個bakery show，由於本人同朋友對焗品都係瘋狂愛好者，行完已經攰到得返半條命，離開個時就淨係想坐底食返餐。呢個時候，oyster house就出現了！離開會展，經中環廣場天橋向銅鑼灣方向(唔係灣仔地鐵站個條)行去，一落樓梯轉入第一條内街就已經係呢間情調小店既所在地。坐底咁攰梗係叫樣即上既，就係海鮮拼盤啦。同埋主要因為只要叫兩杯野飲就可以優惠價享用$99(星期一至三) $199(星期四至日)。配左杯house white，估唔到幾好飲，易入口，偏甜，唔dry, acidity好balance，酒身較薄，係女仔會喜歡既酒。講下個拼盤。生蠔一大一細，但其實係同一款蠔，雖然唔係專家，食唔出邊度黎，但可以形容下。唔係好rich, 好creamy，反而係海水鹹香，比較清新，配白酒唔太適合，因令白酒變酸，空口食口感味道更佳。帶子鮮味，配上白酒更鮮甜！鮑魚好入味，醬油既味道令成個人好醒胃，而且煮得軟身，好易咬煎帶子本菇木魚絲帶子一邊煎得較硬一邊較軟，入口感覺好得意。本菇就已經煮淋，本身本菇菇味就唔濃，微弱既菇味同本身同是味道較淡既帶子唔會互搶，平衡到兩者既香，作為頭盤都不失為一個好選擇。