Billy Boozer

營業中

休息中

好耐冇嚟過九龍塘啦，以前年青嘅時候喺呢度讀書，日日喺度食，喺度玩，唔知而家變成點呢？搵嘢食先！聯合道嘅小商場，竟然有幾間店舖，屹立到而家，其中一間係酒吧餐廳，當年讀書嘅時候成日偷走落嚟飲嘢，老闆話已經開咗三十幾年，咪以為開咗三十幾年，裝修設計就會老土，無論係外面定係餐廳裏面，都充滿咗美國田園風格，尤其是酒吧裏面，重重嘅木樁，配合好多木製嘅餐枱椅，好有西部牛仔風，打卡都幾靚㗎，好懷念啊！老闆話餐廳而家擴充咗，呢度主要係夜晚飲酒時段開放，食飯就要落樓下嗰層，喺下面一齊層，面積都幾大氣氛都好唔錯，仲有大電視應該有得睇波㖭。今次起簡簡單單叫咗一個煎豬扒意粉 轉餐加 $10 只需要 $68，豬扒煎得好香，肉質鮮美，另外仲有啲廚師推介嘅下次再試啦。