Burger Circus

營業中

休息中

呢間位於中環大館正對面嘅漢堡包店充滿美國風情，佢嘅裝修係用火車餐卡主題，配色則用左美國國旗紅色同白色。佢呢度burger嘅選擇唔算多，內餡亦都唔算好華麗，感覺真係同你用美國最classic嘅味去決一勝負咁。我叫左個American cheese burger，諗住試下佢個原味，而我老公就叫左個deluxe burger。我两個都有試，但講真唔係好食得出個分別，哈哈。佢嘅包都係細細個，一手就可以掌握哂，又唔會漏晒啲餡出嚟。上下用左两塊皺皺嘅包去整，個包好鬆軟好易咬。佢個芝士俾塊漢堡扒熱溶之後好香芝士味，塊扒都好juicy，爆哂汁咁。再加埋佢哋特製嘅sauce同烤過嘅洋蔥，酸酸甜甜嘅味又冚過左啲油味，整體組合雖然唔多但各自發揮出應該有嘅作用呀。奈何佢個包真係太細，我哋叫多左個薯條墊下肚。佢薯條夠粗，充滿哂薯蓉嘅感覺好正，再點佢個酸忌廉，好邪惡但又欲罷不能。佢個酸忌廉仲要夠杰身，一食落去係好實在嘅口感呀。為左唔咁dry，我哋仲叫左個salted caramel奶昔，佢嘅咸味一啲都唔奇怪，反而好融入到個甜味，可能因為個甜味都唔係太重嘅關係啦，两者唔會炒哂車。