Avenue75

營業中

休息中

今日早收工就約左朋友仔黎尖沙咀傾下計，飲下野，食下野，搵到呢間餐廳非常有氣氛，裝修都唔錯，而且服務員熱情既招待就入黎試下啦，一試真係好有驚喜。首先我地點左杯Mulata Daquiri cocktail, 杯既外面有朱古力粉，飲個時令口感更加提升，味道酸酸甜甜咁，我個人十分喜愛，真係好有驚喜，唔錯既選擇。跟住叫左個小食白鱔秘製燒汁，呢個爽口彈牙，燒汁配合得天衣無縫，甜甜地非常開胃，而且好新鮮，世界級享受。之後再叫多個黑松露薯條，呢個可以點咪蕃茄醬一齊食令味道更加提升，非常脆口，黑松露既味道配合得好好。最後叫多個麻香辣椒雞絲麵，麵底非常彈牙，好有口感，呢款有小小辣，我都可以食到，友人非常喜愛。