Little Vegas

營業中

休息中

今晚同老公撐枱腳，去咗一間係銅鑼灣附近樓上Cafe，訂咗枱去食。我叫左3款口味既雞翼好多重奏🩷🩷🩷🩷🩷有麻辣，玫瑰，水牛味。佢麻辣味幾過癮，佢唔會太辣，又做到個麻香味。岩曬我呢啲食唔到太辣既人。佢玫瑰味係甜甜地既蜜糖味再加啲玫瑰味同埋面上有少少食用嘅玫瑰花瓣幾香。水牛味就係酸酸辣辣，少少甜味。整體嚟講各有特色岩曬啲有選擇困難症既我，又可以試多幾款口味。黑松露野菌意粉🩷🩷🩷🩷🩷冇諗過平時啲黑松露意粉食完都有啲漏，但係呢個係完全唔漏。佢係冇乜忌廉汁，所以可能無咁漏。但係又食到好濃嘅黑松露味，而且佢啲菇類既味道都唔會比黑松露遮曬，好掛汁。同埋我哋叫咗孖寶pizza🩷🩷🩷🩷🩷蒜香辣肉腸沙茶風味同北京填鴨風味煙鴨胸pizza,佢個蒜蓉味同辣肉腸都好夾，而且佢加咗啲沙茶醬落去食落甜甜輕微辣辣地，好惹味，佢係完全唔會遮晒蒜蓉味同沙茶醬味。佢個北京填鴨風味煙鴨胸，佢有黃椒同埋煙鴨胸再食到啲甜甜地嘅北京填鴨味同埋甜醬味冇諗過Pizza都有呢啲風味咁特別，創新得來又幾好食喎，估唔到真係有驚喜。叫做兩句蜜桃檸檬茶🩷🩷🩷🩷🩷清新得黎，甜甜酸酸好開胃。唔怪得咁多人推介了。果然無介紹錯。