四川重口味

營業中

休息中

今日去咗土瓜灣探朋友,,喺佢屋企附近諗住搵啲嘢食下,因為大家都鍾意食辣嘢,所以幫襯佢屋企樓下嗰間四川重口味。餐廳位置喺土瓜灣北帝街26號地舖, 入到去鋪頭地方都非常闊落,坐喺度食飯傾計感覺都幾舒適。酸菜魚桂花魚小辣 278元,魚肉分量非常多,入口魚肉非常嫩滑,味道鮮甜,加上芫茜酸菜調味,令到魚肉更加爽滑,湯汁帶點酸微辣,惹味開胃。魚肉嫩滑得嚟魚肉又唔會散曬,一片片入口真係好滿足。古法川醬鵝腸王 88元,鵝腸爽口帶肥,入口彈牙煙韌,條條鵝腸都炒到好爽脆,裏面肥膏雖然唔多但係入口已經好甘甜。蒜香大啖蝦四隻 72元,蝦被蒜汁包住,入口蝦肉鮮甜,同蒜蓉香味非常之配搭,味道好有層次,肉質爽口彈牙。清炒萵筍絲 68元,味道清香,萵筍絲口感爽甜,一條條又夠幼身,口感同味道都冇得彈。 虎皮尖椒 55元,尖椒用咗蒜頭豆豉辣椒炒香,非常入味,食落去帶點辣,又爽口又惹味。蒜泥白肉片 58元,分量非常多,肉質爽甜帶少少肥膏,食落去特別香口惹味, 同蒜蓉配搭埋一齊增添味道層次。酸菜大腸飯餐 52元,大腸非常肥美酸爽可口,口感Q彈有咬口,用來配飯真係又開胃又好味。