堤岸酒吧及餐廳

營業中

休息中

從未試過皇家太平洋酒店的餐飮，友人訂枱，抱著一試無妨的心情來食龍蝦晚宴，盛惠$298一位。先講菜單，前菜有2款選擇：三文魚凱撒沙律和龍蝦濃湯丶麵食是鮮茄龍蝦肉直通粉、主菜有2款：烤或焗龍蝦配藜麥玉米沙沙。若嫌不夠，可另加38元加配菜一款，焗薯丶烤露荀或波蘿供選擇。甜品亦需另外收費，每款30元，有綠茶心太軟或檸檬芝士餅。為試多幾種菜式，我們加了2款前菜及甜品。先講前菜，龍蝦湯不單樣子精緻，龍蝦味濃郁，淡淡酒香而不嗆喉。以前試過部分餐館龍蝦湯，一係太淡，一係嗆喉，能夠香濃順喉，實屬難得。三文魚凱撒沙律和直通粉是高級餐廳水準，滿意但不算是驚喜。而主菜龍蝦雖然只是半邊，鮮甜美味，尤其是焗，加上磨菇，更覺香甜。至於甜品，賣相可人，一定要相機先食。味道方面，2款都好，我個人喜歡檸檬芝士餅多一點，香滑而帶有檸檬及芝士清香，完全是我的喜愛。心太軟也好，只因我不是綠茶控，略嫌綠茶味過濃。整體而言，埋單全枱不用$1500而能夠有美味的五道菜，還附送酒店級服務及海景，認真超值。