影片
更多
2022-06-17
242 瀏覽
出開旺角買野，想食啲牛肉補充鐵質😅 經過通菜街見到有間 「牛極」，見門口位係自動販賣機，就點左份牛柳 tenderloin 180g $115 我好喜歡食石板牛，因為可以自己掌握味道同熟嘅程度😋食過幾次開始純熟，搓完手就出去擸架撐🍴，攞湯、沙律菜、醬同飯，不過我最近減肥唔食飯喇😅出面一般係麵豉湯，呢度係牛肉湯，味道好似羅宋湯，仲有好多蘿蔔👍🏻足料上到檯，影完相跟手要反塊牛，否則好易燶（貼心嘅店員提我❤️）之後襯石板仲熱，即切開件牛柳，入面仲係Ruby Red👍🏻燒幾耐，就睇你食開幾成熟喇同煎牛扒原理一樣，燒完Resting 等佢鎖住肉汁終於食得！肉質好腍，就算全熟先食都好腍～好好食😋調味品都好多款式：pink salt, 黑椒、香草、燒肉汁、蒜蓉etc. 個人覺得簡單pink salt 同黑椒已經好夠👍🏻講真，超市買塊牛都唔平，喺呢度一條龍搞掂哂，仲有埋圍裙唔怕整污糟衫褲，好方便就食到，真係好過買番屋企煎
我好喜歡食石板牛，因為可以自己掌握味道同熟嘅程度😋
食過幾次開始純熟，搓完手就出去擸架撐🍴，攞湯、沙律菜、醬同飯，不過我最近減肥唔食飯喇😅出面一般係麵豉湯，呢度係牛肉湯，味道好似羅宋湯，仲有好多蘿蔔👍🏻足料
上到檯，影完相跟手要反塊牛，否則好易燶（貼心嘅店員提我❤️）
之後襯石板仲熱，即切開件牛柳，入面仲係Ruby Red👍🏻燒幾耐，就睇你食開幾成熟喇
同煎牛扒原理一樣，燒完Resting 等佢鎖住肉汁
終於食得！肉質好腍，就算全熟先食都好腍～好好食😋
調味品都好多款式：pink salt, 黑椒、香草、燒肉汁、蒜蓉etc. 個人覺得簡單pink salt 同黑椒已經好夠👍🏻
講真，超市買塊牛都唔平，喺呢度一條龍搞掂哂，仲有埋圍裙唔怕整污糟衫褲，好方便就食到，真係好過買番屋企煎
張貼
