麻辣派對 (金百利廣場) (已結業)

政府消費券出嚟啦⋯⋯啱啱喺銅鑼灣SOGO shopping完！梗係食返餐正嘢啦⋯⋯隔離就係金百利商場有一間🎊🎊麻辣派對🥳正宗川菜餐廳裝修非常有型格！而且座位坐得相當舒服！最重要係食物質素高而且物超所值⋯⋯酸菜魚酸菜魚😬我哋選擇左江團魚！魚片😄其實我哋唔可以叫佢做魚片超厚切！非常厚肉！肉質鮮嫩！又滑又鮮味！仲係冇骨添⋯⋯喺普通餐廳食一個酸菜魚一定冇可能好似呢度好似一個大面盆咁！🤩魚肉份量超大⋯⋯味道相當濃郁！有大量嘅配菜！我哋自己仲加咗水晶粉！我哋淨係食咗呢個都超滿足！連啲湯都好鮮味！口水雞醬汁非常濃厚！仲可以揀選辣度添⋯⋯香脆嘅花生襯托住美味嘅醬汁！雞件吸收晒醬汁超惹味⋯⋯本來想來一碗飯！但係實在太飽啦⋯⋯咁嘅價錢咁嘅質素😍超值之選！我個朋友話過兩日又要再嚟食添⋯⋯