阿閒泰 (世貿中心)

營業中

休息中

最近真係忙到冇乜時間慢慢食飯，日日都係急急腳咁搞掂一餐。所以昨晚放工早少少，決定犒賞下自己，約朋友嚟咗呢間餐廳食泰國菜。餐廳燈光柔和，帶啲泰式風情，環境幾舒服。🐷 阿閒泰滷無骨豬手一上枱已經聞到嗰陣滷水香，啲豬手滷到好軟腍，入口即化，但又唔會爛晒嗰種，啱啱好有少少嚼口。滷水汁甜甜地，有陣特別嘅甘香味，同平時嗰啲重鹹嘅滷水豬手好唔同。最正係無骨，食起上嚟夠方便，完全唔會有尷尬位，真心推薦！🍜 豬肉肉丸濃湯船麵湯底濃郁。豬肉丸好彈牙，咬落有啲「爆汁」嘅感覺，炸豬皮帶脆脆嘅口感，加埋蘿蔔同通菜，份量十足又夠豐富！粉嘅質感滑溜又彈牙，很不錯。🥦 烤原個椰菜花配青咖喱呢個椰菜花一上枱已經覺得好有視覺效果，烤到微微焦香，加埋層青咖喱醬就更有層次感。🍗 炭燒香茅雞肉串雞肉外層微焦但內裡保留晒嫩滑嘅口感。香茅味道滲透得好自然，唔會太重，成串食落去香味十足，係配啤酒嘅好搭檔。泰式醉貓炒黑毛豬肉手工卷粉:卷粉油香味十足但又唔會太膩，口感煙韌，辣度亦恰到好處，滿足。泰式泡沫奶茶奶同茶香平衡得好好，甜而不膩，泡沫滑溜厚身，見到店內都有好多人叫。