梅花邨小館

營業中

休息中

晚上六時左右來到餐廳已經坐無虛席，等了大約二十分鐘才有位。滷水鵝片飯喺大大碟嘅碟頭飯份量，鵝片滷得好入味而且唔鞋口，味道不錯。椒鹽九肚魚九肚魚係即叫即炸的，上枱仲係熱到燙口好有鑊氣。魚塊炸到外脆內軟，入面嘅魚肉好嫩滑完全唔腥，粉漿薄薄地唔會食落粉仲多過魚肉。每件魚塊都好均勻地沾上了椒鹽，唔會有一啲好咸一啲又無味嘅情況出現。蠔仔粥蠔仔雖然細細隻但食落鮮甜無沙，所以煲出嚟嘅粥都係一樣清甜。天氣涼涼地食完碗蠔仔粥個人即刻暖翻哂！韭菜豬紅豬紅好足料，口感彈牙無腥味，反而韭菜嘅份量就相對少啲。湯汁非常濃郁，用嚟撈飯食一流！