紅星餐廳

營業中

休息中

星期三同老公一齊食lunch，揀左佢公司附近既紅星餐廳。凱撒沙律沙律菜爽脆，加入脆片、芝士片、提子乾、煙肉粒、沙律醬，大碟而且新鮮。餐湯及麵包餐湯係燈籠椒忌廉湯同雜菜湯，後者第一次飲，好濃燈籠椒味，餐包香甜又鬆軟，好食。炸薯角好難得食到好食既炸薯角，炸得夠脆，而且薯仔好厚身，非常飽肚。鐵板法式羊扒·腰果芥末醬·迷迭香蒜蓉汁揀咗用碟上，有三舊羊架，好欣賞佢用錫紙包住羊架頭，方便拎起食，配菜有薯蓉、秋葵同蕃茄仔。寶雲酥挪威鮮三文魚·山葵芥末籽蜜糖忌廉汁三文魚好嫩滑，魚皮有脆度，配菜既薯蓉同樣都係有粒粒薯仔係入面。琺瑯鍋慢煮牛面珠墩肉牛面珠墩肉煮得夠軟腍，好易咬，唔錯。西班牙巴斯克焦香芝士蛋糕芝士蛋糕味道濃郁，口感軟滑，美味可口。飲品叫左熱鮮橙茶同熱即磨咖啡。