西樹泡芙 (屯門站)

營業中

休息中

以前喺尖沙咀做嘢成日經過西樹泡芙，都會買個泡芙做午餐，而家喺屯門做嘢，估唔到都開咗西樹泡芙，終於可以再食番。好，睇吓有咩好食先。法式焦糖燉蛋，平時食開原味，見到個焦糖燉蛋好吸引，所以試吓，燉蛋好滑有少少焦糖甜品，加埋鬆軟泡芙，唔錯。士多啤梨乳酪窩夫，酸酸地嘅士多啤梨乳酪，柔滑嘅cream質地，加上甜甜格仔窩夫，好夾。蘋果金寶，酸酸甜甜嘅蘋果粒粒同埋蘋果醬，穿插喺切碎嘅金寶之間，將蘋果批嘅感覺放咗喺泡芙上面，都幾特別。