正潮樓 (富通大廈)

營業中

休息中

最近又去咗灣仔依間「正潮樓」食晚飯，今次一於試下其他小菜、小食、甜品，繼續發掘潮州菜的美味。*此餐廳收取加一服務費。醋甜虎蝦球（單點$268），虎蝦肉質爽口，味道鮮甜，配以糖醋醬食用，味道酸甜，配料包括有菠蘿、彩椒、香蔥。例牌蝦棗拼蟹棗（單點$168），即叫即炸，蟹棗表面由腐皮包裹着，食落不油膩，採用蟹肉、蝦膠製作，食落帶有雙重鮮味；蝦棗採用蝦膠製作，食落好新鮮，內有馬蹄粒、芹菜粒，配以潮汕金桔油食用，味道微甜、帶有金桔果香味道。清心丸綠豆爽（單點$48），清心丸晶瑩通透，略嫌口感軟爛，開邊綠豆口感腍身，冰糖糖水飲落甜度適中。甜椰汁雪耳（單點$48），雪耳口感爽脆，椰汁味道香甜，飲落帶有雪耳的膠質。茗茶（兩人$24），普洱，茶味濃香。