影片
更多
2024-04-10
404 瀏覽
前排班港漂同事好興奮，話佢哋最愛嘅內地知名連鎖湖南農家菜餐廳「農耕記」黎香港開分店，終於可以好方便咁解決思鄉病咁話喎！見佢哋咁吹捧呢間餐廳，一於帶鍾意試新嘢嘅女朋友去試下佐敦分店啦！餐廳好近佐敦地鐵站A出口，交通方便。另外，餐廳裝修好有特色，而且環境闊落舒服。一坐低店員就好殷勤咁招待我地，仲特別同我地介紹話餐廳最近推出左幾款特色春季時令農家菜品。正所謂不時不食，難得撞啱季節，咁就梗係要試下啦！「小筍炒臘肉」：呢度嘅臘肉好肥美，配合嫩綠嘅小筍一齊食，口感真係一流！「香椿炒蛋」：香椿芽有一種獨特嘅香氣。據講香椿除左健脾祛濕，仲可以殺菌除痢，提高人體免疫力。更重要嘅，係佢同炒蛋好夾，令蛋香昇華左！「雪豆酸菜肉沫」：啲雪豆好甜，而且口感係軟糯嘅，配合肉香十足嘅肉沫一齊食，絕對係非常下飯嘅。「糍粑油條」：賣相吸引，口感外脆內軟！值得一讚係唔會太油或者太甜，啱啱好呀！「手打檸檬茶」：好大杯好滿足，味道不錯，解辣一流！臨走前見到原來餐廳開幕嘅時候視帝陳山聰都黎過！
餐廳好近佐敦地鐵站A出口，交通方便。另外，餐廳裝修好有特色，而且環境闊落舒服。
一坐低店員就好殷勤咁招待我地，仲特別同我地介紹話餐廳最近推出左幾款特色春季時令農家菜品。正所謂不時不食，難得撞啱季節，咁就梗係要試下啦！
「小筍炒臘肉」：呢度嘅臘肉好肥美，配合嫩綠嘅小筍一齊食，口感真係一流！
「香椿炒蛋」：香椿芽有一種獨特嘅香氣。據講香椿除左健脾祛濕，仲可以殺菌除痢，提高人體免疫力。更重要嘅，係佢同炒蛋好夾，令蛋香昇華左！
「雪豆酸菜肉沫」：啲雪豆好甜，而且口感係軟糯嘅，配合肉香十足嘅肉沫一齊食，絕對係非常下飯嘅。
「糍粑油條」：賣相吸引，口感外脆內軟！值得一讚係唔會太油或者太甜，啱啱好呀！
「手打檸檬茶」：好大杯好滿足，味道不錯，解辣一流！
臨走前見到原來餐廳開幕嘅時候視帝陳山聰都黎過！
張貼
