朝

營業中

休息中

想食串燒及日本嘢但吾想過海，見這係OpenRice 有很多正面的食評，閒日晚上仲有五折，便來試試。星期三晚八點到，差不多滿座，熱鬧非常，幸好服務還幾周到迅速。試試推介的海膽拖羅海鮮杯，比預期中大杯，海膽及拖羅都幾鮮美，仲有蟹子，兩人食仍很滿足。燒七味魚翅乾及鱈魚乾，較喜歡魚翅乾，較有咬口及香，伴清酒幾好。串燒方面，我哋叫咗燒秋葵、條燒豆腐及雞翼。都燒得剛好，配醬合適，份量不吝嗇。主食叫了鹽燒牛板腱，有濃郁嘅牛味、牛質嫩滑，配埋調味味道一流。另外叫咗個豚肉蘆筍卷也不錯。食埋烏東超滿足。