SHADI

營業中

休息中

今日放工約咗去朋友屋企玩貓，諗住朋友屋企附近買啲嘢上去食，見佢附近有間burger店，睇落好唔錯。我哋叫左單層煎雞堡同純牛肉腸熱狗加配和牛牛肉醬。職員提我哋等餐需時10至15分鐘，因為佢哋啲漢堡同熱狗係即叫即整，所以比較需時，同埋我見到佢哋寫住所有食物都冇加味精、防腐劑等。係等食物嘅時候，同個職員傾開，原來佢哋嘅所有肉都係極等級，唔係冰鮮雪藏個啲，而且喺廚房自己攪碎來整漢堡，因為肉類新鮮，只需加鹽同胡椒調味已經好足夠，至於醬汁都係home-made 自己做。傾咗一陣，轉眼漢堡包同熱狗就到。單層煎雞堡有雞肉扒、芝士、生菜、蕃茄、酸瓜、洋蔥，非常之豐富及有份量，而且材料新鮮，漢堡包有烘過，拿上去我朋友屋企仲係好鬆軟，配上新鮮嘅蔬菜，特別嘅醬汁，同埋雞扒，非常之fresh 又好食。純牛肉腸熱狗熱狗除咗有牛肉腸，我哋仲加配左和牛牛肉醬，材料真係真材實料，大大份，牛肉味濃郁，非常之美味。