拾壹

營業中

休息中

今日熱辣辣見呢間餐廳有唔少人，一行四人就入去試下順便涼下冷氣🤣🤣見午餐牌有成八樣午餐可以揀， 開頭覺得唔算平喎， 仲要+1, 咁我地就揀左西班牙豬排骨配薯菜， 蒜香香辣蟶子炒意粉，一個M二黑毛和牛，同埋盲曹魚配椰菜花飯， 大家一齊share食， 一路食已經覺得廚房的用心製作， 樣樣都好好食， 至於個+1，服務員態度十分之好， 禮貌好， 有求必應，淨係食服務都已經覺得滿分, 咁我地當然唔止比+1咁少啦🤣🤣今時今日有咁嘅服務，咁優質食材咁用心煮出嚟嘅午餐， 大家都應該多多支持，一定會再去試晚餐， 有好多特別嘅食品，呢間餐廳原來唔止西餐，仲有中菜，海鮮， 向優質服務員查詢之後，知道有一些食品需要提早預留！ 我一定要試佢地嘅鹽焗粟米雞同埋話梅花甲😋