影片
更多
2025-05-27
0 瀏覽
永年士多嘅車仔麵配料樣樣高質，湯底味道濃郁好味，絕對係食車仔麵嘅好選擇~第一碗：咖喱辣粗麵（自選配料）🍜怕太辣揀咗咖喱另上，再加落去啲面，咖喱味好濃郁啊～辣度啱啱好🌶️（小辣至中辣之間），濃得嚟唔會太油膩，掛到湯汁，正到不得了～😋 配料： - 蘿蔔：煮到超級淋🥕，吸晒咖喱湯精華，完全冇渣，好入味！ - 雞翼：滷到好淋好入味🍗，一咬就離骨，肉質仲好嫩滑～ - 墨魚蝦卷：爽口彈牙🦑，鮮味十足，如果煎香少少就更加完美啦！ - 牛腩：呢個真係必點！半肥瘦，燜到超級淋🐮，仲有少少筋位，咬落去juicy到爆，好滿足啊～💯 飲品：抹茶紅豆冰🍵少見抹茶味嘅紅豆冰，甜度剛剛好，飲落去好治癒～不過冰多咗少少❄️，飲到尾會淡咗啲，建議叫少冰！ 小食： - 蠔油生菜：生菜脆卜卜配蠔油，份量超大- 魷魚串：燒得香噴噴🔥，咬落去爽口彈牙，點少少辣醬更加惹味，好適合share～👯第二碗：蒜油撈麵小麻辣（自選配料）🍝撈麵底：蒜油香氣超級突出，撈勻之後每條麵都沾滿蒜香同麻辣油🌶️，小麻辣對我嚟講啱啱好），麻得嚟唔會太嗆喉，麵質偏爽身，同濃味醬汁好夾，好惹味啊～😍 配料： - 豬紅：滑溜溜冇腥味🐷，吸咗麻辣
第一碗：咖喱辣粗麵（自選配料）🍜
怕太辣揀咗咖喱另上，再加落去啲面，咖喱味好濃郁啊～辣度啱啱好🌶️（小辣至中辣之間），濃得嚟唔會太油膩，掛到湯汁，正到不得了～😋
配料：
- 蘿蔔：煮到超級淋🥕，吸晒咖喱湯精華，完全冇渣，好入味！
- 雞翼：滷到好淋好入味🍗，一咬就離骨，肉質仲好嫩滑～
- 墨魚蝦卷：爽口彈牙🦑，鮮味十足，如果煎香少少就更加完美啦！
- 牛腩：呢個真係必點！半肥瘦，燜到超級淋🐮，仲有少少筋位，咬落去juicy到爆，好滿足啊～💯
飲品：抹茶紅豆冰🍵
少見抹茶味嘅紅豆冰，甜度剛剛好，飲落去好治癒～不過冰多咗少少❄️，飲到尾會淡咗啲，建議叫少冰！
小食：
- 蠔油生菜：生菜脆卜卜配蠔油，份量超大
- 魷魚串：燒得香噴噴🔥，咬落去爽口彈牙，點少少辣醬更加惹味，好適合share～👯
第二碗：蒜油撈麵小麻辣（自選配料）🍝
撈麵底：蒜油香氣超級突出，撈勻之後每條麵都沾滿蒜香同麻辣油🌶️，小麻辣對我嚟講啱啱好），麻得嚟唔會太嗆喉，麵質偏爽身，同濃味醬汁好夾，好惹味啊～😍
配料：
- 豬紅：滑溜溜冇腥味🐷，吸咗麻辣汁之後更加好味！
- 牛腩：依然保持高水準🐮，同撈麵出奇地夾，肉香十足～
-冬菇：厚肉多汁🍄，咬落去有濃郁菇香，好入味，必點！
飲品：檸檬茶
經典配搭，茶底夠濃
總結同價錢💰
兩碗麵連小食同飲品，埋單大概$200左右💸，以車仔麵嚟講算中上價位，但份量足料，味道有誠意，絕對對得住個價錢！👍
張貼
