Café Crêpe (威靈頓街)

營業中

休息中

近排天氣太熱，無乜胃口食飯但又口痕，食粉麵又食到悶，同朋友路過中環威靈頓街，朋友心血來潮想食D甜野，行經Café Crêpe係玻璃櫃見到pancake幾吸引喎，再睇一睇個menu，有咸有甜既法式可麗餅，於是決定試下。餐廳位於中環威靈頓街地舖，餐廳入面唔算大，但有2層，好闊落坐得舒服，黎到當然要食佢最出名既可麗餅。店員同我哋講晚餐有八折優惠，所以就叫左一個主食set同一個甜既可麗餅。精選餐湯: 是日餐湯係忌廉蘑菇湯，好香濃，加上放左忌廉， 非常好飲。精選和牛漢堡: 超正和牛漢堡， 牛肉有肉汁， 牛肉味香濃，仲配朋友嚟最愛既新鮮炸幼薯條，好食到encore再叫一個薯條。肉桂烤啤梨配鹽味焦糖醬可麗餅 :擺盤非常好睇，未食已經聞到好香，可麗餅熱辣辣超多餡料，食落微微鮮甜, 好有口感，越食越唔停口，非常岩我口味！飲品French Soda Provencial: 飲落檸檬梳打好清新，帶有淡香嘅薰衣草味，飲落感覺好舒服。餐飲就叫杯紅酒: 無諗過餐酒都好飲，有果香味又唔酸澀。見到好多台都叫兩三款可麗餅，下次可以試吓佢鹹味嘅可麗餅，最近仲出咗個香港燒鴨口味添。