Branto 印度素食餐廳

營業中

休息中

Item: Branto 印度素食餐廳
Rating: 4
Author: 陳真

Branto Indian Vegetarian Restaurant

74 食評

味道

環境

服務

衛生

抵食

4986

尖沙咀

$51-100

印度菜素食

陳真

等級4

165

是日是Mother Day, 同自己媽咪過得多啦. 今年既母親節正日, 便帶外母大人來尖沙咀. 食素食咖喱. 尖沙咀, 是印度菜館林立的地區. 單是一間重慶大廈, 便有數不盡的咖喱皇. 之前, 我同幾位齋妹妹們,試過了好幾家印度素食. 亦體驗到, 不同地區既印度菜, 係可以好唔同的.

是次來到樂道的Branto, serve既, 係南印度素食. 我既咖喱經驗, 大多是巴基斯坦口味同西印度口味. 味道又香又濃的, 而南印度, 或許兩次都係食素既關係, 味道顯然較清. 兩者既咖喱大同小異, 但用來煮咖喱既材料香料. 食得出的, 有不同.

食南印度餐, 發覺有不少菜色是要用手食. 他們地道人叫的咖喱, 不是用飯用薄餅送服. 而是用餐包仔送服. 菜單上, 全是用他們的語言, 再拼返個英文音出來的. 看著那menu, 真的是一頭冒水. 幸好, 他們有兩本相薄, 全是一些啱香港人口味的菜色. 看不明他們的"indglish"不緊要, 我地可以看圖點餐.

食印度餐, 首先要食的, 是薄餅. Poppadom, 是基本的前菜. 薄薄的脆餅, 這裡做得不辣. 沒有伴著醬料一齊上, 感覺有點怪. 因為食慣是有醬點的. 不過唔緊要, 另一個薄餅就有兩個醬任點. 這個是南印度式的薄餅, 是薄如紙的一片. 英文是DOSA, 上次要了水牛芝士味, 呢次, 因為看不太懂他們的"英"文. 那我就叫了Plain Dosa. 大家來試一試原味. 雖然這塊薄餅薄如紙, 煙韌的, 都要用少少勁去撕開. 有一個熱的醬, 中辣. 有一個冷的醬, 酸辣. 薄餅帶少少奶油味. 食落其實有點香口.

之後, 是我點下的兩個咖喱, 一個不辣的Korma, 一個充滿香料的Masala. 點菜前, 同侍應講了, 我們是佛教的素食者, 不吃蔥蒜. 侍應好醒目的一聽就明, 本來好怕Masala會有蒜, 但他說明可以為我們特製一份沒有蒜的, 聽到之後, 便安心地叫下那份Masala.子

沒有加上蔥蒜的Masala, 的確食得出. 那個勁香的口味似乎減去了少少. 但一樣香辣. 這個Masala是蘑菇Masala. 辣辣, 香甜的汁. 充滿香料既味道. 但明顯地欠了蒜頭, spicy口香感就差了少少.

Korma, 椰汁咖喱. 印巴人做的咖喱不一定是辣的. Korma就是不辣的咖喱. 芝士Korma, 我覺得是素食咖喱中既絕配. 而且以我品嚐咖喱多年得出既經驗, Korma咖哩, 最適合配白肉. 配雞最match. 若是素食, 這個咖喱配芝士會比豆或菇類好. 沒有特別去分這是什麼芝士. 印度做既芝士, 應該同西方既有少少分別. 味道雖不是太香, 不過口感是軟綿綿的. 配上korma呢一種咖哩汁, 非常之好味.

食印巴菜, 吔白飯就太那個了. 盡可能, 要食他們的印度皇飯 (Pilao Rice). 用上多種香料去炒的香飯. 香口, 有味道. 而且若間餐廳, 好似呢度咁, 用上正宗的印度米 (Basmati Rice), 粒粒分明的長條米, 帶有獨得既香味. 用來煮皇飯最佳. (用絲苗米, 香米, 是沒有這個效果的). 但Basmati Rice用來做白飯, 由於飯質鬆散, 對中國人口味來說, 未必個個喜歡.

之後介紹的, 是外父自己點自己食既set. 有齊咁多種薄餅. 有多種醬汁去點. 是拼盤一個, 乜都有. 不過感覺上, 未必夠食.

最後出場的, 是齋妹最期待的, 乳酪綠豆盒子. 因為兩次都是看圖點菜, 經過我一番尋找之後. 原來此物是 pani puri 之類既東東. 乳酪, 本來都好怕佢酸, 因為上次既酸味實在太過了. 一咬落, 呢個乳酪非常之香口. 有牛乳味, 酸味不重是我開心的重要原因. 本是前菜用來開胃. 現在是後菜, 當甜品食, 一樣咁好.

本來是日也為外母大人的生日慶祝的, 而且我們亦帶了蛋糕上來. 不過, 應該是今日係母親節正日. 好多印巴家庭, 也來同母親慶祝一下. 霸著位子切cafe也許太尷尬了. 我們改為送蛋糕給媽媽做生日兼母親節禮物.

人多, 行去counter結賬方便D. 4個人, 只食了$280. 價錢也極之經濟.