辣辣屋

營業中

休息中

平時夜晚經常會幫襯呢間辣椒屋，今日食晏同啲同事諗唔到食咩走去試吓，估唔到午餐亦都做得好出色，所以喺度推介一下。Chili House 辣椒屋,餐廳地方唔算大,但係全部都係卡位,所以坐得都幾舒適,加上店員服務態度有禮,值得一讚。主打花膠無骨雞泡湯飯，湯飯上枱已經聞到香味，根本就係一個花膠雞湯，味道好甜雞味香濃，花膠嘅份量都唔少，入口爽滑。無骨雞做得非常出色，雞肉好嫩滑，雞味香濃。個湯真係飲到停唔到口。日皇咖喱煎牛舌，賣相10分吸引，厚厚嘅牛舌鋪在飯上面，咖喱味好香濃，辣度適中，牛舌爽口彈牙，牛肉味香濃，食得出食材係好新鮮，淨係個咖喱汁已經可以比一百分，估唔到牛舌都可以做到咁出色同咖喱味都可以咁夾。薄西冷牛扒，烚蛋沙律，牛油炒野菌，茄汁焗豆，煉奶牛油脆豬包。食物真係非常豐富都係58元，西冷扒入口軟林，牛肉味都幾香，烚蛋沙律食落去好開胃，牛油脆豬包做到好香脆鬆口。整體嘅份量好多，性價比真係好高。