馬祖台灣養生湯麵館 (和安里)

營業中

休息中

週末同朋友喺中環shopping，之後肚仔餓搵嘢食，想簡單食碗麵，上網搵下，就見到呢間口碑幾好嘅餐廳。我叫咗$67嘅「藥膳桃膠農場雞米線」，加$22嘅「上湯浸時蔬」同$8「凍頂烏龍茶」；朋友就叫咗$75嘅「藥膳古早牛肉湯米線」，$28嘅「麻辣白菜豬肉餃」。「農場雞米線」裏邊有好多桃膠，感覺充滿骨膠原好健康，雞肉嫩滑味美，湯底有濃郁嘅藥材味同雞味，同米線一齊食好正。「上湯浸時蔬」嘅生菜新鮮翠綠，簡單美味。「牛肉湯米線」湯底非常濃郁，有香濃牛肉味同淡淡嘅藥材味；牛肉就蚊煮得好腍兼好入味，一共有四件每件體積都幾大；我見到朋友食得極滋味。「豬肉餃」微辣，香口又好食。我哋兩個都食得好滿意。