影片
更多
2019-03-23
353 瀏覽
女友In得成新工，梗係要食餐好嘅賀下佢，佢至愛食任食火鍋，而我又鍾意食燒肉。見第二日返工，唔想出旺角同銅鑼灣咁遠，就近近地去左九龍灣牛陣試下呢個期間限定推出嘅「$289和牛壽喜燒套餐」。有高質和牛、牛舌、黑毛豬、海鮮盤同其他配菜任食。日本傳統會係喜慶節日食壽喜燒慶祝，咁開心當然要賀下喇！我地由係openrice search到呢個set，就一直期待到食個刻😆 果然無令我地失望喇！餐廳環境好乾淨好企理，坐得又舒服，唔會食到好熱😂 啲staff亦好helpful同好有禮貌。一坐低我哋就嗌咗個和牛壽喜燒套餐，睇menu先發現原來尼個set係無味精湯底。嗌完餐無幾耐就上菜，個staff會落手教我地點燒同點食，又會介紹日本正宗壽喜燒嘅製作方法，佢會親身示範，教我地落啲魚露就唔會燒焦同燶底，教我地點打蛋食先最好食。p.s. 蛋係日本蛋，好安全嫁😍。食食下唔記得點整唔緊要，隔離仲有製作教學嘅企牌添😂鍋熱之後先用肥肉(透過肉嘅脂肪析出嘅油抹在鍋面，唔會好似直接落油咁油膩)開鍋再炒香洋蔥同京蔥之後就可以煎肉食喇！期間可能會有燒焦嘅情況出現，加少少甘露同壽喜燒醬汁，或者落菜燒下，有水份就可以解決獲燶尼個問
我地由係openrice search到呢個set，就一直期待到食個刻😆 果然無令我地失望喇！
餐廳環境好乾淨好企理，坐得又舒服，唔會食到好熱😂 啲staff亦好helpful同好有禮貌。
一坐低我哋就嗌咗個和牛壽喜燒套餐，睇menu先發現原來尼個set係無味精湯底。嗌完餐無幾耐就上菜，個staff會落手教我地點燒同點食，又會介紹日本正宗壽喜燒嘅製作方法，佢會親身示範，教我地落啲魚露就唔會燒焦同燶底，教我地點打蛋食先最好食。p.s. 蛋係日本蛋，好安全嫁😍。食食下唔記得點整唔緊要，隔離仲有製作教學嘅企牌添😂
鍋熱之後先用肥肉(透過肉嘅脂肪析出嘅油抹在鍋面，唔會好似直接落油咁油膩)開鍋再炒香洋蔥同京蔥之後就可以煎肉食喇！期間可能會有燒焦嘅情況出現，加少少甘露同壽喜燒醬汁，或者落菜燒下，有水份就可以解決獲燶尼個問題。
日本產黑毛和牛
和牛係由同集團係日本嘅自設農場飼養，所以飼養過程同品質都可以監控。
和牛肉質嫩滑易咀嚼，燒完放落打均嘅蛋醬，肉味會更香濃。
牛舌
牛舌經過薄切都好快熟，而且質感彈牙得嚟唔太韌，好正！
日本產黑豚肉
日本出產黑豚肉品質有保證 肉質爽口易咬鮮美
海鮮拼盤內有3種海鮮，海鮮肥美，雖則唔多，但有我同女友鍾意食嘅蠔肉、墨魚同元貝。可以refill真係好正，好多地方要加錢先有得食😂
蔬菜拼盤都相當吸引，菜好綠好新鮮，食落好清新😚
燒到咁上下可以請staff倒入鰹魚湯打邊爐，鰹魚湯底係無落味精，夠晒健康！
自助區供應各種火鍋配料包括唔蔬菜同丸 配料款式選擇有好多 不論係丸抑或是蔬菜 亦有好少見嘅羽衣甘藍同冰菜 蔬菜好甜好新鮮 個人覺得佢地啲配料好養生 亦係同其他嘅店舖唔同嘅地方 啲蔬菜用壽喜燒嘅方法煮都好入味。
單單醬汁就有四款，再加五款佐料，但因為個壽喜燒醬汁已經好香好入味所以我哋冇額外點醬料食。
甜品就係6款Haagen-Dazs雪糕任食，尼度有朱古力、曲奇雲呢拿、士多啤梨、花生、焦糖脆餅同夏威夷果仁可以揀，想食可以直接出去潷😚
張貼
