秘 (偉晴街)

營業中

休息中

平時都係食普通版吉列牛，今次係第一次食黑松露吉列牛，一碟總共有20塊吉列牛。爐上面有一粒小小牛肉脂肪，塗喺石板上令牛肉冇咁易黐板。我自己鍾意每邊燒10秒左右，第一啖咬落去已經感受到濃厚嘅黑松露味，牛肉味道同樣突出，兩者互相輝映。加$58可轉定食，會有飯素、櫻花昆布湯同流心蛋。秘用嘅飯素口感較清新，而昆布湯帶點花香。第二個主食係芝士吉列豚肉定食，豚肉本身固然出色，外皮酥脆，肉質軟稔，但點上芝士醬令豚肉味道昇華，芝士醬偏向稠身，所所以好輕易沾滿豚肉。每款定食份量非常足夠，不過我哋都叫多個野菜鍋，入面有金菇冬菇蘿蔔雜菜等等。「秘」吉列牛嘅價錢比一般吉列牛餐廳低，但質素有過之而無不及，性價比極高，值得我由佐敦站行10幾分鐘過嚟（其實柯士甸站一出就係）。