羊滋味

營業中

休息中

我鍾意食羊，今晚喺太子附近，上openrice search邊度有羊食，見到呢間主打食羊，又咁多好評，就特別嚟食，但食完真係有少少失望🥲.用qr code點菜，但上菜速度比較慢，更有漏單情況出現。.我哋叫咗以下食物：羊肉煎餃 10隻 — 我本身都有點期待羊肉餃，但餃子皮煎燶咗少少，所以食落有苦味；而餃子餡亦比較少，韮菜比肉還多，韮菜味道蓋過了羊味.牛肉餅 2件 —呢個牛肉餅都ok，煎得幾香，係餡比較少.娃娃菜粉絲 —娃娃菜好入味，蒜蓉粉絲味道濃郁不錯，這碟$48 份量相對真係少.內蒙羊肉串 —今餐最滿足這個羊肉串。有羊味，肉質嫩滑，好重孜然粉，幾惹味.扇貝粉絲 —很多蒜蓉粉絲，味道都唔錯.燒生蠔 —醬汁有好多蒜蓉辣椒，幾惹味，生蠔都算厚肉，都算幾好食.總結嚟講係有點失望，以上食物共$360，性價比不高，不過羊肉串、扇貝粉絲、燒生蠔算相對比較好。