雲南啊老表黑山羊湯鍋米綫 (已結業)

最怕女人煩，當正自己係女皇，所有野都要受佢統治。今次只係 IG like 遲左，就已經唔高興，你估個個似你返工唔使做？在沒有監控與盤問的日子，終於可以做自己喜歡的事，例如約啲失散左既「鬆dee 」聚吓。呢間雲南啊老表，響觀塘廣場時已經食開，當時的坐位不多，店舖車水馬龍。一張枱可以搭好多人，大家為的都係果碗滋味羊米缐，有一段時間基本上每星期都會食一次 lunch 。不過之後舖頭搬遠左，加上女皇唔食羊，所以就更少機會食了。離遠見到，水蛇春咁長的舖頭名，就已經認得佢。竟然開到尖沙咀，裝修靚左好多。確實係呢間，黑山羊呀！自自然然，個人已經俾佢吸左入去。餐牌，基本上我背得出，每次去都會叫酸辣羊肉細米線。 另一個係小食，以酸酸辣辣的小食為主。我揀左涼伴土豆絲$18 同 口水雞 $30。土豆絲夠酸辣，又夠爽口，越食越過癮。而且份量夠大，價錢又抵，加得過。另一小食係口水雞，雞都算瘦，雞脂肪不多。汁都幾辣幾麻，雞冇入味，要點多D汁先得。呢碟觀塘店好似好味D。主角係羊米缐，其實細碗都已經唔細架啦！如果叫大碗，真係有成個洗面盆咁大。羊肉切薄片，幾嫰，好有羊味，同其他食開的急凍羊唔同，係羊控係冇法抗佢的味道。