雲南啊老表黑山羊湯鍋米綫 (已結業)

話說喺尖沙嘴都已經試過唔同種類嘅餐廳，包括：韓國菜～火鍋～西餐～中餐等等。我就叫咗老婆去搵啲特別啲嘅食物，佢最後就揀咗呢間*雲南阿老表黑山羊米線 來試試。我掙扎咗好耐，最後揀咗一個羊肉飯嚟食，佢嘅飯同埋羊肉係分開上嘅，不過可能比較少人食飯 飯，煮得無咁靚， 一pat pat咁嘅樣； 羊肉方面煮得都幾淋，只不過對於我呢個羊肉愛好者黎講，羊味唔夠豐富，我哋最熱愛嘅就係羊嗰陣騷味，但係51蚊有咁大碟飯都算抵食既。

張寶仔最愛既羊肉麵！佢啲湯係真係用羊骨同牛骨去熬製，我哋係會飲晒所有湯，都唔會覺得頸渴，所以佢係完全冇味精㗎 ！而且啲湯唔會太油，所以飲落好順口！最鍾意就係將佢個羊肉米線轉成上海麵，因為佢嘅上海麵好出色，幾彈牙，唔會太腍，粗幼適中！尖沙咀平價餐廳首選！佢其他小食都非常出色，張生最鍾意就係佢個豬耳，份量多，又有咬口，非常出色。寶仔最鍾意佢個土豆絲，唔會太辣，次次黎都會叫嫁！羊肉上海麵勁多葱！張寶仔超鍾意！

第一次認識到呢間店係search 觀塘區有咩妹食時見到，話咁快呢間野已經係佐敦同埋尖沙咀開左兩間分店，位置就腳左。今次黎食先發現原來兩個人可以share 一碗大米線（$62)，之後再嗌小食，咁樣會抵過兩人分開嗌一碗細（$52)既好多，仲可以試多d 唔同既野食！米線方面嗌左一碗大既清湯羊米線，加麻辣豬耳（$25)同埋涼拌木耳（$20). 米線既湯底好好飲，羊肉香而不羶，雖然d 肉切得比較細塊，但食下食下都覺得幾多。兩樣小食就比較重口味，豬耳對唔食得辣既人黎講就比較辣，食完真係要加錢嗌杯野飲下~一個人食既話米線算貴，但兩個人share 一碗大既話就幾抵食

之前系kt食過呢間羊肉米線比我發現佢系尖沙咀都開左分店一於就去試一試鋪面好細間，得十幾廿個位比起我幾年前食kt個間多左好多選擇，仲有飯食添而且米線都多左好多選擇羊、牛、雞、豬、餃子、豬頸肉小食都有好多咁我就緊系食番我最愛既牛羊雙拼酸辣米線（細）有齊牛腩同羊，無得頂而且價錢仲平過你單拼羊雖然叫細碗但份量真系唔少只系因為大碗個份量真系超大推薦必食酸辣湯佢個d酸菜超高質好惹味，帶微辣，唔食得辣都接受到的而我最鐘意就系加埋佢個菜莆好爽口，而且個味道好夾之後我會再加佢個秘制辣椒油呢三樣野加埋簡直系天衣無縫而咁樣叫只系42蚊，加埋凍飲都系加9蚊咁既價錢系尖沙咀黎講真系好平而且選擇又多，一個星期食幾次都省番唔少不過位置真系唔多，如果繁忙時間可能真系要早少少去先有位再唔系就要叫外賣啦

自己都係一個好鐘意食米線嘅人, 呢間米線都見有人介紹同唔少嘅好評, 而且有日係尖沙咀見到就決定要一試！睇個名都知專食羊, 但我唔食羊, 所以我就叫左一個雞肉酸辣米線, 朋友就叫左個羊肉清湯米線, 再叫左一個豬耳做小食一黎到就見到好大碗, 但呢個只係中size, 肚餓嘅朋友可以叫大架！個湯底唔夠酸, 比起其他米線又唔特別, 我就覺得普通。 雞肉係帶骨嘅, 就比較鞋身, 唔係咁好食！米線又煮得比較林, 已經覺得有少少伏。但朋友又話個羊肉清湯米線嘅羊肉幾好食, 我就無試過, 不過可能人地專食羊肉係真係得羊肉好食啦！大家好鐘意食羊肉都可以去試試！豬耳就睇得出係普通豬耳再淋啲汁上去, 好似有啲hea, 不過個汁係好食嘅, 好麻, 會想繼續食, 個汁係唔錯！總括而言, 我就唔會再去, 大把米線好食過佢, 無咩野係特別出色

店名長到一個點…我同同事之前經過, 有人已經想食, 不過唔行開嗰邊又唔記得, 畢竟尖沙咀有太多食肆選擇! 早前見到雜誌介紹, 第二日即去! 我唔太愛吃羊, 不過一場嚟到, 叫個牛羊雙拼! 湯底有清湯及酸辣選擇! 清湯底都幾清甜, 酸辣湯底就只酸不辣, 好奇怪! 米線有大 ˎ 細碗選擇, 價錢相差 HK$10 (圖為細碗…根本食唔晒) 講下肉質! 牛腩薄切, 肉質軟滑, 不過勁羶 (羶到我以為自己食緊羊腩)! 羊肉同樣薄切, 有點鞋及靭!最後加個涼拌土豆絲 $18 ~ 唔係淋晒既, 爽脆有咬口, 不過超勁辣! 我都算食得辣, 但係都食到流晒鼻水

在尖沙咀想吃牛腩，想到有間牛腩飯專賣店，可惜原來已經結業了。折返途中經過這間雲南啊老表黑山羊湯鍋米線，看到餐牌上的牛腩，想也沒想就走了進去。我不愛吃羊，因為實在受不了那酥味。所以，我點的是牛腩湯鍋酸辣米線。牛腩湯鍋酸辣米線 $40這米線上場時真是超驚嚇，那個湯碗超級大，比譚仔過橋米線那個碗再䦢半倍，但我明明是叫了小碗。雖然如此，我還是能吃完整碗米線。其次，我很喜歡的是店家放了很多的韭菜及蔥花，吃到最後都還有韭菜蔥花伴湯喝。湯頭用豬肉熬成，非常鮮甜，但不是很有酸辣味，所以我加了辣醬調味。重點是牛腩，清清的味道、鬆化的口感，肉質鬆化、香氣撲鼻。米線亦煮得爽口，份量不少，但我一個女生都吃得完，沒有想象中的多。其實這家店是主打羊肉，所以店裡羊味飄溢，相信愛羊之人應該會喜歡這個羊肉米線的配搭。另外，此店可以用支付寶，對於常常進了餐廳才想起自己身無分文的我非常便利。

今日到了公司附近的米線餐廳，發現性價比高的米線和口水雞，尖沙咀來說比較便宜的餐廳。今天點了羊肉米線，而朋友點了豬頸肉米線，再加上口水雞酸辣米線。先講羊肉米線，望落好大碗一個人都食不完，應該大碗過譚仔，而且羊肉份量不少。首先飲一飲湯，望落好飲清湯，但飲落滿滿的羊肉味，而且無味精，絕對係餐廳必試米線。另外點了的口水雞，肉質嫩滑，有雞味，而且加試少許辣，香得令唔食辣的我都食完大半碟（$32一碟），簡直一試回味！朋友點的豬頸肉酸辣米線，豬頸肉切得厚薄均勻，食落爽口，也是不錯的選擇！總結：價格合理，米線高質大碗，特別推薦給愛吃羊肉的你🤗

有天，本身都要去尖沙嘴有工程，但是自己單人來到，閒日的中午，究竟有什麼餐廳可以吃🤔呢。本身做資料蒐集，就看見加連威老道有一間類似麻辣燙的東西，但是去到又發現內裏人流不少，結果就當然沒有內進。結果，走着走着，就去到天文臺道的這一間雲南啊老表黑山羊米線。因為這間之前已經吃過，而且都覺得不太差，價錢不太昂貴，於是便立馬內進，沒有多加思索。但是看看餐牌，卻發現，怎麼原來普通的羊肉米線已經貴了那麼多，大的羊肉米線現在索價$62 ，細的都要$50 😯😨。不期然令我想起，究竟這一間與佐敦或是觀塘的分店，有沒有關係🤔，是不是同一個老闆定還是什麼呢。一看餐牌，發現有些配料好像以前沒有見到過，例如豬油渣，定還是豬大腸，都好像是之前比較罕見的食品。因為以往印象中，多數不是吃羊肉米線，牛腩，便是吃餃子，又或是口水雞。另外，有一點比較可以的，就是羊肉米線那一張餐牌，亦都沒有問你要不要帶皮羊肉，竟然在半年間，有這麼大的分別？🤔不要理，先試一試，發現細的羊肉米線，的確比起以往的更加幼細，羊肉的份量還可以，都有十件多，但沒有切得那麼幼細，🤔以及皮的位置沒有太多。米線好像都比以往更加幼，完全沒有什麼彈力，基本上與普通一

呢度算係好方便 就係我公司附近gei餐廳佢主打係羊肉湯米線同埋羊肉酸辣米線我同朋友一人叫左一個 另外仲加左兩個小食有口水雞輕輕麻辣味刺激口水分泌雞肉肉質厚實 而唔會"鞋"口涼拌土豆絲薯土絲切得夠幼身 炒完都好爽脆唔太辣 加埋涼涼gei感覺好清新 好味我揀左羊肉清湯米線個湯睇落雖然好清 但一飲落去有好重羊味加埋騒騒gei羊肉 真係一流 羊肉煮得好林 一啲都唔會硬或者痴牙有皮就多一份香味 我自己就鐘意食有皮多啲而且佢食落無嗰種滿口脂肪感 係清爽gei口感黎朋友叫左酸辣米線 佢個酸辣都好惹我建議一啲怕羊肉太騒gei人可以揀呢個而且酸度適中 食人好開胃 可以好快食埋成碗

喜歡羊肉的你，係尖沙咀又多個選擇！旁邊是大路的譚仔，但我倒想轉轉口味，試試雲南米線！店員哥仔，服務殷勤，我在店外看看餐牌，他已跑出來介紹，很落力！羊肉米線叫小碗已超大碗！味道很好，羊肉份量十足。唯餃子煮太久，有點過‘林’。想食餐快靚正明智之選！

早幾日去尖沙咀買聖誕禮物準備開 party 交換用 🎁🎁🎁 行到去加連威老道同漆咸道南附近，見到呢間米線嘅門面幾有風味 😄😄😄 跟住望一望個餐牌發現原來同平時食開嘅米線有少少唔同，所以充滿好奇心嘅我就去試吓啦 😂😂😂入到店內咁我就叫咗個羊肉米線啦，咁我見佢餐牌有分大同埋細 size，咁我望一望附近嘅人碗米線再問姐姐佢哋碗米線係乜嘢size，點知原來個個都叫細 size，但係已經勁大碗 😆😆😆 所以最後決定叫細嘅 🤣🤣🤣碗米線嚟到好香，羊肉味濃但唔 so，雖然唔算好多肉，但勝在質素好，碗麵本身有啲豬油渣，又香又脆幾得意，最尾為食嘅我加叫多碟白肉做小食，簡簡單單又一餐 🤤🤤🤤

診今晚天氣凍凍地，放工跟同事路經尖沙咀漆咸道（雲南啊老表黑山羊湯鍋米綫 ）即時入去試下個羊肉麵同其他小食，小店雖然地方不是太大，但裝修帶有雲南的風味， 喺尖沙咀嚟講，這店鋪 食物價錢算是不貴，十分抵食。牛腩、豬大腸酸辣米線，豬大腸 處理得好好，冇數騷味好淋甜，再加埋酸菜同蔥花的配菜，令到成個湯底十分惹味。牛羊雙拼配上海麵，羊肉唔會騷而且仲好淋甜，份量夠十足，好抵食。自家制的韭菜餃，皮薄，好滑好有鮮味。豬手皮爽肉淋夠曬入味，值得一讚

冬天要食返啲暖笠笠既粉麵類，見到係觀塘好出名既黑山羊，竟然係尖沙咀開左分店，趁住呢日去睇戲之前就去左食佢😎👁‍🗨 羊牛雙拼清湯米線（7.5/10）💲38 (細碗)叫左個羊牛雙拼米線，帶皮既羊肉會係瘦肉當中帶點脂肪，食落質感柔軟，唔想要肥既都可以揀淨瘦，而牛肉相對之下就比較瘦，口感無咁嫩滑🐂仲配有幾乾脆香口既豬油渣，清湯係有蔥花香味同埋好輕微既羊肉羶味，米線就夠彈牙有嚼勁，好彩都問一問店員細碗同大碗有咩分別，然後佢話女仔通常叫細碗，最後果然岩好夠飽👁‍🗨 麻辣豬耳（7.5/10）💲25豬耳食落爽脆，帶有些少麻同辣，唔太食到辣既我都接受到，感覺幾惹味👂🏻👁‍🗨 涼拌青瓜（7.5/10）💲19清脆爽口既青瓜加上醋，食落酸酸地非常開胃，而且份量都唔少☺️🔛 整體評分（7.5/10）

冬天夜晚最好食番碗熱辣辣既米線，見到尖沙咀開左呢間專食米線就二話不說沖入去啦 我同朋友叫左呢d 食物！牛腩湯鍋米線-湯有羊味 明顯個湯煲左好耐好入味 唔係其他米線個陣調味料味 係正宗煲出來的 牛腩淋稔入味 份量不小 基本中你唔係特別大食 食細size 已經非常足夠美味口水雞-有十件左右 作為小食真係非常多 小小辛辣 剛剛好 好惹味！水餃-雙拼有白菜餡同韭菜餡 睇得出係人手包的 餡料新鮮美味！一定會再來試羊肉米線！呢度既招牌菜！！