影片
更多
2023-04-23
1062 瀏覽
💁♀️💁♂️ 19/4/2023(Wed), Dinner🍽繼續大埔既搵食之旅，今次為食妙妙同A先生去到舊墟直街既八妹雞煲食雞煲。餐廳裝修充滿本土風情，佈置成舊式香港🇭🇰既戲院🎬、大押、理髮店💈，好特別。而今晚我地order咗：🔆 花膠雞煲（半隻）（中辣）（$238）入面有半隻雞既雞件、4大件花膠、芫荽🌿、紫洋蔥、辣椒🌶️、芹菜等香料，上枱時侍應會幫我地再煮多一陣，兜勻所有食材同醬汁，同時又避免花膠痴底。煮既時候香氣四溢，深啡色濃濃既醬汁完全沾滿所有食材，醬汁集香、辣🔥、甜於一身，食落味道辣辣地又帶少少甜味。先試一件花膠先，都好大件好厚身，入口淋滑帶點彈牙，花膠本身無乜味道，靠既係醬汁既調味。呢件花膠吸收咗醬汁之後，辣得來又帶少少甜，好食😋。再試一件雞件，煮得剛熟嫩滑，醬汁滲入雞肉入面，食落惹味，即使係雞胸既部位都唔會嚡口。食到咁上下就可以加湯去打邊爐，每枱都放咗一樽奶白色既雞湯喺枱面，加入雞煲之後滾起就可以放其他打邊爐既食材去烚。🔆 八妹拼盤（$85）今晚既八妹拼盤有皇帝菜、蕃茄🍅、南瓜🎃、海鮮菇、BB蘆筍、粟米仔、秋葵同埋娃娃菜。蔬菜🥬都好新鮮，秋葵吸汁一流，輕輕烚一至兩分鐘就爽口又
💁♀️💁♂️ 19/4/2023(Wed), Dinner🍽
繼續大埔既搵食之旅，今次為食妙妙同A先生去到舊墟直街既八妹雞煲食雞煲。餐廳裝修充滿本土風情，佈置成舊式香港🇭🇰既戲院🎬、大押、理髮店💈，好特別。
而今晚我地order咗：
🔆 花膠雞煲（半隻）（中辣）（$238）
入面有半隻雞既雞件、4大件花膠、芫荽🌿、紫洋蔥、辣椒🌶️、芹菜等香料，上枱時侍應會幫我地再煮多一陣，兜勻所有食材同醬汁，同時又避免花膠痴底。煮既時候香氣四溢，深啡色濃濃既醬汁完全沾滿所有食材，醬汁集香、辣🔥、甜於一身，食落味道辣辣地又帶少少甜味。
先試一件花膠先，都好大件好厚身，入口淋滑帶點彈牙，花膠本身無乜味道，靠既係醬汁既調味。呢件花膠吸收咗醬汁之後，辣得來又帶少少甜，好食😋。再試一件雞件，煮得剛熟嫩滑，醬汁滲入雞肉入面，食落惹味，即使係雞胸既部位都唔會嚡口。
食到咁上下就可以加湯去打邊爐，每枱都放咗一樽奶白色既雞湯喺枱面，加入雞煲之後滾起就可以放其他打邊爐既食材去烚。
🔆 八妹拼盤（$85）
今晚既八妹拼盤有皇帝菜、蕃茄🍅、南瓜🎃、海鮮菇、BB蘆筍、粟米仔、秋葵同埋娃娃菜。蔬菜🥬都好新鮮，秋葵吸汁一流，輕輕烚一至兩分鐘就爽口又吸滿湯汁；粟米仔估佢唔到食落有少少甜味；南瓜🎃煮淋咗又係吸汁好食。
🔆 A級安格斯肥牛（小）（$198）
雖然係細份，但都有好多片肥牛，牛肉雪花分佈得好靚，輕灼幾秒入口嫩滑有肉味，油脂食落香口，配合雞煲醬汁既味道，根本就唔需要任何調味料。
🔆 雞子（$68）
作為雞子控既為食妙妙每次打邊爐🍲必叫既食物，呢度既雞子好大好大好大粒🙈。食落新鮮無異味，煮熟既雞子放入口喺口腔入面爆開既感覺真係非筆墨所能形容。
🔆 即炸響鈴（$50）
大愛呢度既響鈴，真係即叫即炸，上枱時仲係熱焫焫既。就算唔放入鍋入面，就咁食都好鬆化有豆味。浸過幾秒湯汁之後索盡湯汁即食就又有鬆化既口感，又有湯汁既惹味，必叫推介👍🏻。
🔆 凍冬瓜茶（$38）
唔太甜，清清地好解渴。
🔆 Asahi（$34）
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：❤❤❤❤❤(5/5)
❤🙆♀️(為食妙妙)整體食評：❤❤❤❤❤(5/5)
👉🏻 餐廳有個自助醬料吧，仲有少少小食如花生同粟米片可以任取
👉🏻 食物新鮮，醬汁惹味，特別係即炸響鈴唔好錯過
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(4/5)
👉🏻 附近都有唔少錶位🅿️，等一等好快有得泊
👉🏻 太和站或者大埔中心行過嚟都係10分鐘左右路程，交通尚算方便
🔆🔆🔆🔆🔆🔆🔆🔆🔆🔆🔆🔆🔆
張貼
