朝

營業中

休息中

因為暫時仲未去到旅行，我又好鍾意食日本嘢，所以上星期同老公去咗太子一間居酒屋，地點好方便，太子地鐵站一出再行兩三分鐘左右就到，門面同埋入邊嘅裝修都好有日本居酒屋特色，真係好似去咗一轉日本咁呀😍我哋先叫咗個軟殼蟹沙律，軟殼蟹好香脆，而且冇油溢味，加埋明太子dressing，沙律菜全部掛滿醬汁，微辣好開胃。赤背刺身 都好新鮮，一啲都唔腥仲好鮮甜。食日本嘢點可以少咗最鍾意嘅玉子燒？叫咗個 #朝惡邪玉子燒 ，真係好邪惡，入邊滿滿芝士，但濃而不膩，而且仲好有蛋香，再加埋卜卜脆蟹籽，口感味道都滿分💯和牛牛湯烏冬 我都好推介，和牛肉片嚟到嘅時候仲係生生地，浸咗熱湯之後就啱啱好熟，超嫩滑又唔會覺得油膩👍🏼我哋仲叫咗好多燒物，鹽燒虎蝦 好大隻鮮甜，燒味噌豬腸串 好入味好有咬口，呢個我都幾鍾意，邪惡雞肉棒 真係好邪惡，因為真係好芝士好芝士，超正。仲有 豚肉紫蘇卷 同埋 月見雞肉棒 都好好味，肉質嫩滑，燒得好香，推介大家一定要試呢度嘅燒物啊！