影片
更多
2022-10-28
62 瀏覽
之前行過門口已經好吸睛🤩因為佢啲裝修好有日本feel，入左黎更加似置身係日本嘅居酒屋🎐自家釀果實酒 - 荔枝 $68呢到有店主由開業釀到而家嘅果酒😍超有心。今次試左荔枝味，果汁味較重，帶輕酒味，仲有一粒荔枝肉係入面，幾啱女仔飲🎐七味燒魚翅$68微焦香脆，唔會燒到乾晒，味道帶甜辣味，佐酒小食一流🤩🎐刺身Set A $788刺身set都有幾款，Set A就係最受歡迎嘅1set，特別有秋季嘅時令魚- 秋刀魚，入口爽而甘香。成個set包左時令秋刀魚、和歌山天然本鮪、深海池魚、牡丹蝦、帆立貝同三文魚。魚生都係由日本新鮮運過黎🤤擺盤精美，而且夠肥美，味道都好鮮甜。本鮪亦即係藍鰭吞拿魚，屬於吞拿魚最高級別，所以呢個set都幾豐盛😋🎐第四代黃金軟殼蟹焗卷 $118出到第四代，好想試埋其他三代🤣好好奇係咩味道，焗卷成個份量都超足料，入面放左四種芝士，中間啲芝士好大舊，勁重本，有啲懷疑老闆有冇賺🤣芝士差唔多多過飯。加左mozzarella 芝士仲可以拉絲😈芝味濃郁，極邪惡🎐免治雞肉棒$48店長話雞蛋選用無菌蛋，可以安心食用😁雞肉棒睇得出係自家製，因為個size同出面果啲好唔同，勁大件，又厚肉，肉質彈牙，鍾
🎐自家釀果實酒 - 荔枝 $68
呢到有店主由開業釀到而家嘅果酒😍超有心。今次試左荔枝味，果汁味較重，帶輕酒味，仲有一粒荔枝肉係入面，幾啱女仔飲
🎐七味燒魚翅$68
微焦香脆，唔會燒到乾晒，味道帶甜辣味，佐酒小食一流🤩
🎐刺身Set A $788
刺身set都有幾款，Set A就係最受歡迎嘅1set，特別有秋季嘅時令魚- 秋刀魚，入口爽而甘香。成個set包左時令秋刀魚、和歌山天然本鮪、深海池魚、牡丹蝦、帆立貝同三文魚。魚生都係由日本新鮮運過黎🤤擺盤精美，而且夠肥美，味道都好鮮甜。本鮪亦即係藍鰭吞拿魚，屬於吞拿魚最高級別，所以呢個set都幾豐盛😋
🎐第四代黃金軟殼蟹焗卷 $118
出到第四代，好想試埋其他三代🤣好好奇係咩味道，焗卷成個份量都超足料，入面放左四種芝士，中間啲芝士好大舊，勁重本，有啲懷疑老闆有冇賺🤣芝士差唔多多過飯。加左mozzarella 芝士仲可以拉絲😈芝味濃郁，極邪惡
🎐免治雞肉棒$48
店長話雞蛋選用無菌蛋，可以安心食用😁雞肉棒睇得出係自家製，因為個size同出面果啲好唔同，勁大件，又厚肉，肉質彈牙，鍾意啖啖肉嘅人應該大愛💓
🪅雞腎 $38
上面灑左好多辣椒粉，辣味重，雞腎口感爽脆
🎐天婦羅盛合 $128
有齊炸蝦、秋葵、南瓜等等，又係超大份😆最有心思係用粉紅色嘅麵條炸成嘅天婦羅，好似一棵櫻花樹咁，睇得又食得。炸蝦上面加左蝦籽黎炸，所以帶少少深啡色，熱辣辣脆卜卜
🎐酩鬼小炒皇 $98
小炒皇有少少港日式嘅感覺，入面有蒜芯炒魷魚，仲加左腰果芝麻等等，好有鑊氣，又香又辣好惹味
張貼
