麻痺英

營業中

休息中

朋友喺大埔住，佢話佢成日聽哥哥講麻痺英好正，於是放工就去補一補🤭🤭我同朋友兩個女仔所有叫左藥膳醉雞煲滋補一番，哩度係用gas明火爐，好有特色，仲要老闆超級好人，會幫我地諗好個爐點放D餐具點擺同埋D野食點分配擺位。價錢勁親民，每位198元任食任飲，物超所值，藥膳味濃郁湯底入面有好多黨蔘、蟲草花、杞子同埋紅棗，醉雞有啖啖酒香，雞肉入味非常。火鍋配料選擇都算多，仲有好少見嘅豬潤，真係滋補一流。最深印象嘅係涼拌小吃，佢嘅黃金皮蛋、海哲絲、木耳同埋手拍青瓜我地重複叫左3次，因為真係好好食。