茶點

營業中

休息中

星期日最鐘意去屋企附近既小食店食個tea過一個輕鬆既下午！小店之前裝修左一段時間，重開返實左太好啦！好驚大埔又會少左間台灣小店下午兩點就有下午茶供應，今次點左之前未有提供既小食︰蜜糖窩夫(牛油蜂蜜味) 小店有多種口味提供。但我怕太甜而且想試原味，所以揀左牛油蜂蜜味。跟餐點左杯百香果綠茶。蜜糖窩夫有兩小塊，食落有蜜糖既甜亦都有微微既咸牛油味，唔會太甜。可惜係有少少乾，但下午茶黎講已經不錯。百香果綠茶不過不失，但不得不推薦一下呢度既珍珠，係屬於煙”un”型！鐘意食珍珠既朋友可以試下！炸燒賣亦都係我朋友最常點既小食之一，佢話一定要配埋個蒜頭辣椒油黎食會更好味！