老爹

營業中

休息中

中上環區不嬲都係香港最昂貴嘅地段，所以喺嗰度嘅餐廳大部份都算係比較貴嘅，早排有一晚同女朋友喺附近行街嘅時候見到樓上有間叫做老爹嘅餐廳，見佢價錢唔算太貴，所以就入去試一試。一入到去嘅時候，餐廳唔算話太多人，但係侍應嘅服務態度都非常之好，可能見到冇乜人嘅關係，就帶咗我哋喺窗口位坐。我哋望一望餐牌，價錢都算十分相宜，我哋叫咗個西冷牛扒，同埋一份三文魚扒，牛扒我哋叫咗5成熟，味道都唔錯。最尾埋單大概都係二百零蚊到，以喺中上環區來講算係非常抵食，有機會都會再嚟食。