可可豬椰香海南雞專門店

營業中

休息中

今日過左唻紅磡做野，一到午餐時段度度都咁多人…經過一間在馬頭圍道紅磡廣場斜對面，原來角落有間食海南雞飯的小店，因為好細只做外賣，雖然都有幾個人排緊，但我見到旁邊有部自助點餐機就立即試下最緊要快。我叫左個海南雞飯，豬手飯，酸辣無骨鳳爪，仲叫左兩個特飲檸檬青檸梳打同自家煲的熱情果特飲。兩個飯份量都唔算太多，海南雞飯仲有好多配菜，酸酸甜甜十分開胃，而海南雞飯的飯有陣好香好濃的椰汁味，豬手飯，隻隻豬手都啖啖肉，但只係配白飯，我下次會試下問下店員可唔可以轉埋椰汁飯先😅😜我十分喜歡飲那杯檸檬青擰梳打，飲之前記得要攪勻佢，否則可能會覺得個底好濃，攪勻左就岩岩好，又唔會太甜，唔似嗰d用糖水就咁開嘅特飲。總括來說，我覺得這裡的性價比的確唔錯，不貴的價錢，仲食到小店用心的細緻。