影片
更多
2018-10-26
6151 瀏覽
好耐無食過屋企附近既早餐buffet，耐唔耐都要奢侈一次。話就話奢侈，但其實對比出面自助餐價錢已經好平，早餐只係$96另加一。環境清靜，客人數目都唔係好多，大部份都係香港同外國遊客，無爭先擁後拎野食既情況。基本野香腸煙肉火腿茄汁豆樣樣俱全，想飽肚啲仲有麥皮式自製拌飯。除麥包白麵包外，亦有西式酥餅同牛角酥，旁邊有烤爐可以烘返熱同脆。中式點心有燒賣粉果炒麵奶黃包，中意飲茶既可以過過口癮。穀類早餐，有常見既蜜糖星星同粟米片，另外仲有提子麥片同雜果燕麥，但略嫌放耐左，唔夠脆，而且鮮奶擺得太耐變左室溫有果汁既morning先係good morning～有橙汁西柚汁蘋果汁任均選擇，我揀左西柚汁，飲起黎幾fresh，未至於假甜。唔講唔知我其實係蛋精一定要食蛋先滿足。呢度岩哂我，除左太陽蛋煎蛋烚蛋仲有即叫即整炒蛋同奄列沙律菜幾新鮮，有芝士粒同梳打餅拎，酥餅偏淋，烘熱左都唔夠酥脆，右邊果個入面係朱古力夾心，甜甜地好食啲。現成野穩穩陣陣中規中矩，隻蛋煎得幾靚，但油左啲。奄列煎得唔錯，口感都係偏油，但勝在有得自選配料，加左白菌、芝士粉同雜菜粒香口得黎有咬口。燒賣唔差，但魚肉溝得太多粉，無乜肉既質感，粉果內餡
話就話奢侈，但其實對比出面自助餐價錢已經好平，早餐只係$96另加一。
環境清靜，客人數目都唔係好多，大部份都係香港同外國遊客，無爭先擁後拎野食既情況。
基本野香腸煙肉火腿茄汁豆樣樣俱全，想飽肚啲仲有麥皮式自製拌飯。
除麥包白麵包外，亦有西式酥餅同牛角酥，旁邊有烤爐可以烘返熱同脆。
中式點心有燒賣粉果炒麵奶黃包，中意飲茶既可以過過口癮。
穀類早餐，有常見既蜜糖星星同粟米片，另外仲有提子麥片同雜果燕麥，但略嫌放耐左，唔夠脆，而且鮮奶擺得太耐變左室溫
有果汁既morning先係good morning～有橙汁西柚汁蘋果汁任均選擇，我揀左西柚汁，飲起黎幾fresh，未至於假甜。
唔講唔知我其實係蛋精一定要食蛋先滿足。呢度岩哂我，除左太陽蛋煎蛋烚蛋仲有即叫即整炒蛋同奄列
沙律菜幾新鮮，有芝士粒同梳打餅拎，酥餅偏淋，烘熱左都唔夠酥脆，右邊果個入面係朱古力夾心，甜甜地好食啲。
現成野穩穩陣陣中規中矩，隻蛋煎得幾靚，但油左啲。
奄列煎得唔錯，口感都係偏油，但勝在有得自選配料，加左白菌、芝士粉同雜菜粒香口得黎有咬口。
燒賣唔差，但魚肉溝得太多粉，無乜肉既質感，粉果內餡係粉絲木耳蘿蔔豬肉，調味恰到好處，唔會好鹹，幾好食。
牛角酥同樣淋身，口感一般，賣相係唔錯既。以早餐黎講係幾多選擇同一定食得飽，但質素就唔好太高期望～都係去食返出名果幾間既brunch算
張貼
