熊小館

營業中

休息中

早年來食過幾好食，西餐來說經濟化算，二人餐都幾抵食。餐廳有好多熊公仔可以相伴留倩影，打卡都唔錯～白酒忌廉煮藍青口 $68藍青口差唔多有兩打，肉比較細粒味道就好鮮美，個汁好cream好香酒味。二人套餐 $298套餐：羅宋湯配法包湯料十足味道濃郁，酸酸地微辣，好啱凍天氣飲，配以牛油法包perfect。套餐：法式香草牛油焗田螺用鐵板上熱住食幾好，螺肉口感彈牙味道鮮美，薯蓉軟滑，撈點醬汁味道唔錯。套餐：卡邦尼煙肉扁意粉扁意粉口感韌煙彈牙，芝士味濃好掛汁，食落好creamy好美味，仲有好多煙肉碎和蘑菇配料，意粉份量十足食得非常滿足。套餐：鐵板肉眼扒肉眼扒相當大塊，七成熟肉質軟腍，充滿肉汁，淋上黑椒汁惹味。仲有粗薯條、煙肉、長豆角、栗米粒和車厘茄，配料十足，食完幾飽肚。套餐：飲品叫左兩杯阿華田，一凍一熱味道正常。