嘗樂 (譽都)

營業中

休息中

上星期來過筲箕灣，今晚又來了。三個人嚟呢度食精選小菜。菜式選擇多，我哋點咗三個經濟小菜: 金菇瑤柱扒時蔬、重慶雞煲和豉汁蒸鯧魚。【金菇瑤柱扒時蔬】六十八蚊一大碟，瑤柱八多，味道OK。去大酒樓食的話，起碼收你九十八啦。【重慶雞煲】七十二蚊，夠辣夠惹味，雞肉都好嫩，送飯一流。呢個質素，大酒樓唔收你過百才怪。【豉汁蒸鯧魚】一斤重多少少，收九十八蚊，相對地就似乎貴咗少少。豉汁又嫌唔夠重，不過，條魚都蒸得啱啱好。飯後，仲送埋紅豆沙。紅豆沙好足料，仲有大大塊果皮。成餐飯都只係 $260，真係經濟又實惠。